Er-Riiadta (Saud Arabiiasy) ötken äielder tennisınıŋ mausymdyq qorytyndy jarysy – WTA Finals 2025 aiaqtaldy. Finaldyq kezdesude qazaqstandyq tennisşı Elena Rybakina älemnıŋ bırınşı raketkasy, "Ülken dulyǧa" turnirlerınıŋ tört dürkın chempiony Arina Sobolenkony (Belarus) 6:3, 7:6 (7:0) esebımen jeŋıp, öz mansabyndaǧy eŋ ırı jetıstıkterınıŋ bırıne qol jetkızdı, dep habarlaidy "Adyrna".
Būl jeŋıs Rybakinaǧa 1 500 reitingtık ūpai men 5,235 million AQŞ dollary kölemındegı rekordtyq jülde äkeldı. Osy nätijeden keiın ol 2025 jylǧy 10 qaraşada jariialanatyn jaŋartylǧan älemdık reitingte besınşı orynǧa köterıledı.
1972 jyly alǧaş ūiymdastyrylǧan turnir tarihynda Elena Rybakina WTA mausymdyq qorytyndy jarysynda jeŋıske jetken Aziia elınen şyqqan tūŋǧyş tennisşı atandy. Būǧan deiın qytailyq Li Na (2013) men Chjen Sinven (2024) finalǧa deiın ǧana jetken bolatyn.
2025 jyly Rybakina 500-den astam eis soqqan alǧaşqy tennisşı atandy. Būǧan deiın mūndai körsetkışke 2016 jyly Karolina Plişkova ǧana jetken edı.
Ol biylǧy mausymda älemnıŋ top-10 oiynşylaryna qarsy jetı match qatarynan jeŋıspen aiaqtaǧan jalǧyz sportşy boldy.
Qazırgı uaqytta Elena Rybakina öz käsıbi mansabynda 11 WTA titulyna (onyŋ ışınde ekı WTA 1000 jäne bır "Ülken dulyǧa" – Uimbldon-2022) ie. Būl – jekelei synda osyndai jetıstıkke jetken alǧaşqy qazaqstandyq tennisşı.
Prezidenttıŋ qūttyqtauy
Qazaqstan Prezidentı Qasym-Jomart Toqaev Elena Rybakinany tarihi jeŋısımen qūttyqtap, onyŋ sporttaǧy tabysy men el imidjın köteruge qosqan ülesın joǧary baǧalady. Memleket basşysy tennisşını III därejelı "Barys" ordenımen marapattau turaly Jarlyqqa qol qoidy.
«Dübırlı dodadaǧy jeŋısıŋızdı, tennistıŋ damuyna qosqan ülesıŋızdı jäne atalǧan sportty elımızde nasihattauǧa sıŋırgen eŋbegıŋızdı eskere otyryp, Sızdı III därejelı "Barys" ordenımen marapattau turaly Jarlyqqa qol qoidym», – dedı Prezident öz qūttyqtauynda.
Elena Rybakinanyŋ būl jeŋısı – qazaqstandyq tennistıŋ jaŋa belesı men el sportynyŋ älemdık arenadaǧy bedelın arttyrǧan aituly oqiǧa boldy.
