بەلگىلى ءانشى، مۋزىكانت ءالي وكاپوۆ “قۇرمەت” وردەنىمەن ماراپاتتالدى. بۇل تۋرالى ول ءوزىنىڭ Instagram پاراقشاسىندا ءبولىستى، دەپ حابارلايدى “ادىرنا” ۇلتتىق پورتالى.
قازاقستان رەسپۋبليكاسى پرەزيدەنتىنىڭ جارلىعىمەن ءبىر توپ ونەر قايراتكەرلەرى ءتۇرلى ناگرادالارمەن ماداقتالدى.
بۇگىن "قۇرمەت" وردەنىنىڭ يەگەرى اتاندىم! كۇتپەگەن جاعداي بولدى شىنىمەن. كوپ راحمەت! وسى اتاققا لايىق ەڭبەك ەتۋگە، ارتىلعان سەنىمدى اقتاۋعا بارىمدى سالامىن. قۇتتىقتاۋلارىڭىزعا راحمەت! باسىمدى يەمىن!، – دەپ جازدى ءانشى ينستاگرام پاراقشاسىندا.
الايدا، ءانشىنى سىناعاندار دا كوپ.
“حالىق ءۇشىن، ەل ءۇشىن قانداي ەڭبەكتەرىڭىز بار؟ ءان جازىپ، شىعارماشىلىقپەن اينالىسسا ءوزى ءۇشىن عانا”، “قانداي قۇرمەتكە لايىق ءىس تىندىردى؟”، “مىنادان سەمەيدىڭ ءورت ءسوندىرۋ قىزمەتكەرلەرى لايىقتى” دەپ سىناپ، پىكىر جازىپ جاتقاندار بار.
