Belgili ánshi, mýzykant Álı Okapov “Qurmet” ordenimen marapattaldy. Bul týraly ol óziniń Instagram paraqshasynda bólisti, dep habarlaıdy “Adyrna” ulttyq portaly.
Qazaqstan Respýblıkasy Prezıdentiniń Jarlyǵymen bir top óner qaıratkerleri túrli nagradalarmen madaqtaldy.
Búgin "Qurmet" ordeniniń ıegeri atandym! Kútpegen jaǵdaı boldy shynymen. Kóp rahmet! Osy ataqqa laıyq eńbek etýge, artylǵan senimdi aqtaýǵa barymdy salamyn. Quttyqtaýlaryńyzǵa rahmet! Basymdy ıemin!, – dep jazdy ánshi ınstagram paraqshasynda.
Alaıda, ánshini synaǵandar da kóp.
“Halyq úshin, el úshin qandaı eńbekterińiz bar? Án jazyp, shyǵarmashylyqpen aınalyssa ózi úshin ǵana”, “qandaı qurmetke laıyq is tyndyrdy?”, “mynadan Semeıdiń órt sóndirý qyzmetkerleri laıyqty” dep synap, pikir jazyp jatqandar bar.
