مەملەكەت باسشىسى قاسىم-جومارت توقاەۆ ۇشتوبە قالاسىندا بيىل اشىلعان 30 ورىندىق جاتاقحاناسى بار گۋمانيتارلىق كوللەدج بەن كەمەل توقاەۆ اتىنداعى مەكتەپكە باردى، دەپ حابارلايدى «ادىرنا» ءتىلشىسى.
كوللەدجدە بولاشاق پەداگوگتەرگە «مەكتەپكە دەيىنگى تاربيە جانە وقىتۋ»، «باستاۋىش ءبىلىم بەرۋ پەداگوگيكاسى جانە ادىستەمەسى» ماماندىقتارى بويىنشا ءبىلىم بەرىلەدى.
وقۋ ورنىندا 17 زاماناۋي اۋديتوريا، ءماجىلىس جانە سپورت زالدارى، مەديتسينالىق كابينەت، اسحانا مەن بۋفەت بار. ءبىلىم بەرۋ وشاعى ينكليۋزيۆتى ورتا تالاپتارىنا ساي جابدىقتالعان، ياعني ەرەكشە قاجەتتىلىكتەرى بار ادامدار ءۇشىن پاندۋس پەن
ارنايى ليفت قويىلعان.
سونىمەن قاتار پرەزيدەنت كەمەل توقاەۆ اتىنداعى ۇشتوبەدەگى ورتا مەكتەپتى ارالاپ كوردى. ءبىلىم وشاعى 1963 جىلى سالىنعان. مەكتەپكە جازۋشىنىڭ ەسىمى 1996 جىلى بەرىلگەن.
مەملەكەت باسشىسىنا قالامگەردىڭ شاعىن كابينەت-مۇراجايى تانىستىرىلدى. مۇندا جازۋشىنىڭ شىعارمالارى، تۇتىنعان جەكە زاتتارى قويىلعان.
ايتا كەتەيىك، بيىل كەمەل توقاەۆتىڭ
100 جىلدىق مەرەيتويىنا ارنالعان ءىس-شارالار ەلىمىزدىڭ بىرنەشە قالاسىندا جانە ءازىربايجان مەن تۇركيادا اتاپ ءوتىلدى. الايدا قازاقستان پرەزيدەنتى ول شارالاردىڭ ەشقايسىسىنا قاتىسپاعان ەدى.


