اتىراۋدا اقبوكەن ەتىن ساتۋ تۋرالى حابارلاندىرۋلار پايدا بولعان، دەپ حابارلايدى "ادىرنا" ءتىلشىسى Zakon.kz-كە سىلتەپ.
اتىراۋدا اقبوكەن ەتىنىڭ ءبىر كەلىسى 1500 تەڭگەگە ساۋدالانۋدا. مۇنداي حابارلاندىرۋلار جەرگىلىكتى مەسسەندجەرلەردە پايدا بولعان. اقبوكەندەردى جانۋاردىڭ باقىلاۋسىز ءوسۋىن توقتاتۋ جانە جايىلىمدار مەن داقىلداردى قورعاۋ ءۇشىن بقو دالاسىندا اتۋ رۇقسات ەتىلگەن بولاتىن. سودان كەيىن ولار سالقىنداتىلىپ، ساتىلىمعا شىعارىلعان.
دەگەنمەن، جانۋارلاردى اتۋ جۇمىستارى ەندى باستالعان.
"بۇكىل دالا اقبوكەننىڭ قانىندا ەكەنىن اڭشى ارىپتەستەر حابارلايدى. ءبارىن ۇقىپتى ۇيىمداستىرۋعا مۇمكىندىك بولدى. اڭشىلارعا تاپسىرما بەرىلۋى كەرەك ەدى", - دەيدى اتىراۋ اڭشىلىق قوعامىنىڭ مۇشەسى ەرىك بوتاقانوۆ.
ونىڭ ايتۋىنشا، بۇگىندە مەسسەندجەرلەردە اقبوكەندەردى اتىراۋدا 2500 تەڭگەگە ساتۋ تۋرالى كوپتەگەن حابارلامالار بار.
اڭشىلار مەن ءونىمدى تۇتىنۋشىلار ساتىلىمداعى اقبوكەن ەتى اتۋ كەزىندە دۇرىس ولتىرىلمەگەن نەمەسە باسقا سەبەپتەرمەن ولگەن جانۋاردىڭ ەتى بولۋى مۇمكىن دەپ قورقادى.
ال سانيتارلىق قىزمەت بۇل ءونىمدى ەشقانداي شاعىمسىز تەكسەرە المايتىنىن جەتكىزدى.
