پەتروپاۆلدا 18 جاستاعى سپورتشى سينتەتيكالىق ەسىرتكى ساتتى دەگەن كۇدىككە ءىلىندى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلادى “ادىرنا” ۇلتتىق پورتالى،
اقپاراتقا سايكەس، كۇدىكتى فۋتبولمەن شۇعىلدانعان جاس جىگىت جاقىندا كوللەجدەن شىعىپ كەتكەن. سودان كەيىن ول ەسىرتكى ساتاتىن ينتەرنەت دۇكەنگە جۇمىسقا تۇرعان.
كۇدىكتى 3 ايدان سوڭ ۇستالدى. ودان ورالعان پاكەت انىقتالدى. ساراپتاما ونىڭ ىشىندە جالپى سالماعى 25,15 گرامم α-PvP پسيحواكتيۆتى ەسىرتكى بولعانىن دالەلدەدى.
سوتقا دەيىنگى تەرگەپ-تەكسەرۋ سانكتسياسى 15 جىلعا دەيىنگى مەرزىمگە باس بوستاندىعىنان ايىرۋدى كوزدەيتىن قىلمىستىق باپ بويىنشا جۇرگىزىلەدى. جالپى ەسىرتكىنى جاسىرۋشىلار شامامەن 2-3 اي جۇمىس ىستەيدى. سودان كەيىن ولار ۇستالادى. ال ەسىرتكى ساتۋشىلار جەڭىل اقشا تاپقىسى كەلەتىن نەمەسە كەيدە ءتىپتى ەسىرتكىنىڭ دوزاسى ءۇشىن جۇمىس ىستەيتىن باسقا ادامدى ىزدەي باستايدى، - دەدى سقو پد ەسىرتكى بيزنەسىنە قارسى ءىس-قيمىل باسقارماسىنىڭ باسشىسى رۋسلان ساپاروۆ.
