سپورت جانە تۋريزم ءمينيسترى ەرمەك مارجىقپاەۆ قازاقستانعا كەلگەن شەتەلدىكتەر قانداي قيىندىقتارعا تاپ بولاتىنىن ايتتى، دەپ حابارلايدى «ادىرنا» ۇلتتىق پورتالى.
ۇكىمەت وتىرىسىندا ەرمەك مارجىقپاەۆ قازاقستانعا كەلگەننەن كەيىن شەتەل ازاماتتارى ءۇشىن ۆيزا الۋ پروتسەسىندە بىرنەشە كەدەرگى بارىن ايتتى.
«ءبىرىنشىسى – شاقىرۋدىڭ بولۋى تۋرالى تالاپ، ونى الۋعا بىرنەشە اپتا كەتەدى جانە تۋريست ادەتتە قوسىمشا اقى تولەيدى. ەكىنشىسى – اۋەجايدا تولقۇجاتقا ۆيزا قويۋ پروتسەسى تاعى بىرنەشە ساعاتتى الادى. كوبىنەسە رەيستەر تۇندە كەلەدى جانە بۇل تۋريستىك توپتارعا قولايسىزدىق تۋدىرادى. وسىعان بايلانىستى شاقىرۋدى الۋدى تسيفرلاندىرۋ ماسەلەسى پىسىقتالۋدا»، – دەدى مينيستر جانە قازىر E-visa ارقىلى ەلگە تەك حالىقارالىق اۋەجايلار ارقىلى كىرۋگە بولاتىنىن ايتتى.
ول سونداي-اق قۇرلىقتاعى وتكىزۋ پۋنكتتەرىندە ەلەكتروندىق ۆيزا بويىنشا مەملەكەتتىك شەكارادان وتۋگە رۇقسات بەرۋ جۇمىستارى جۇرگىزىلىپ جاتقانىن جەتكىزدى.
تۋريزم مينيسترلىگىنىڭ مالىمەتىنشە، ءبىرىنشى جارتىجىلدىقتىڭ قورىتىندىسى بويىنشا 3 ميلليوننان استام وتاندىق ازامات ەل ىشىندە ساياحات جاسادى، بۇل وتكەن جىلدىڭ سايكەس كەزەڭىنەن 400 مىڭعا ارتىق.
جىل سوڭىنا دەيىن ىشكى تۋريستەر سانى 9 ملن ادامعا جەتەدى دەپ بولجانۋدا. جىل قورىتىندىسى بويىنشا كورسەتكىش 1,4 ملن تۋريستكە جەتپەك. تۋريستەردىڭ ءوسۋى وسى سالا كاسىپكەرلەرىنىڭ تابىسىن دا ارتتىردى. ءبىرىنشى جارتىجىلدىقتىڭ قورىتىندىسى بويىنشا تۋريستەردى ورنالاستىرۋ ورىندارى شامامەن 100 ملرد تەڭگە تابىس تاپقان، وتكەن جىلمەن سالىستىرعاندا ءوسىم 30 ملرد تەڭگەنى قۇرادى.
«ادىرنا» ۇلتتىق پورتالى
