«كىتاپ-AMANAT» جوباسى اياسىندا ەلىمىزدە بۇرىن-سوڭدى بولماعان بىرەگەي باستاما قولعا الىنىپ، اۋىلدىق جەردە العاش رەت كىتاپ ورتالىعى اشىلدى. ورتالىق پارتيانىڭ جامبىل وبلىسى بايزاق اۋدانى سارىكەمەر اۋىلىندا ورنالاسقان. وسى ارقىلى پارتيا اۋىلداعى اعايىننىڭ وتاندىق ادەبيەتكە، جالپى كىتاپ وقۋعا دەگەن قىزىعۋشىلىعىن ارتتىرىپ، قازاقستاندىق اۆتورلار مەن كىتاپ شىعارۋشىلارعا قولداۋ كورسەتۋدى كوزدەيدى.
اۋىلداعى العاشقى كىتاپ ورتالىعىنىڭ اشىلۋ سالتاناتىنا باسپاگەرلەر، مەملەكەت جانە قوعام قايراتكەرلەرى، اقىن-جازۋشىلار، زيالى قاۋىم وكىلدەرى قاتىستى.
ءسوز باسىندا «AMANAT» پارتياسى جامبىل وبلىستىق فيليالىنىڭ توراعاسى داۋىل بەيسەنقۇلوۆ مەملەكەت باسشىسى ۇلتتىق مۇددەگە ساي كەلەتىن كىتاپتار شىعارۋ، كىتاپحانالار اشۋ ىسىنە ەرەكشە ءمان بەرەتىنىن، وسى ورايدا تۇڭعىش رەت اۋىلدىق جەردە تەڭدەسىز جوبا قولعا الىنىپ وتىرعانىن اتاپ ءوتتى.
وسى ورايدا، جازۋشى-دراماتۋرگ ەلەن ءالىمجان قالامداستارىن وسى ورتالىققا ءجيى كەلىپ تۇرۋعا شاقىردى.
«پارتيامىز پرەزيدەنت باستاماسىن ىسكە اسىرۋعا دانەكەر بولاتىن «كىتاپ-AMANAT» جوباسىن قولعا الىپ، وتاندىق ادەبيەت پەن باسپاگەرلەردى قولداۋدىڭ جاڭا تەتىگىن ۇسىندى. «AMANAT» توراعاسى ەرلان قوشانوۆ «كىتاپ-AMANAT» ورتالىقتارىن بارلىق وڭىرلىك فيليالدا اشۋدى تاپسىرعان ەدى. الماتى مەن استانادا باستالعان جوبا بۇگىن جامبىل وبلىسى بايزاق اۋدانىندا جالعاسىپ جاتىر. جاڭا ورتالىق رۋحانياتقا شولىركەگەن اۋىلداعى اعايىننىڭ سۇيىكتى ورنىنا اينالادى دەگەن سەنىمدەمىن»، – دەدى داۋىل بەيسەنقۇلوۆ.ءوز كەزەگىندە، «قازاقستان رەسپۋبليكاسىنىڭ باسپاگەرلەر، پوليگرافيستەر جانە كىتاپ تاراتۋشىلار» قاۋىمداستىعىنىڭ پرەزيدەنتى ءادىل قويتانوۆ كىتاپ ورتالىعىنىڭ اۋىلدا اشىلعانىنا ايرىقشا ريزاشىلىعىن ءبىلدىردى.
«بۇل جاي عانا كىتاپ دۇكەنى ەمەس، بۇل – رۋحانيات ورتالىعى. الداعى ۋاقىتتا وسىندا باسپاگەرلەرمەن، اۆتورلارمەن كەلەلى كەزدەسۋ ءوتىپ، ءتۇرلى ءىس-شارا ۇيىمداستىرىلادى دەگەن ويدامىن. وسىندا كەلگەن جاستاردىڭ كىتاپ وقۋعا دەگەن ىنتاسى ارتادى. ەلىمىزدە ءبىراز جىل اۆتور، باسپا، كىتاپحانا، كىتاپ دۇكەنى اراسىنداعى بايلانىس ءۇزىلىپ قالعان ەدى. وسىنداي ورتالىقتار ارقىلى بايلانىس قايتا جاڭعىرىپ جاتىر. ەڭ باستى ماقسات – ەلگە جاڭا كىتاپتاردى تانىستىرۋ. وسى وڭىردە دە جازۋشىلارىمىز وتە كوپ كىتاپ شىعارىپ جاتىر. الايدا ونىڭ ءبارى جەر-جەرگە جەتپەيدى. ءاربىر وڭىردە وسىنداي ورتالىقتار اشىلۋى كەرەك»، – دەدى ول.ال قر ۇلتتىق مەملەكەتتىك كىتاپ پالاتاسى ديرەكتورىنىڭ ورىنباسارى، اقىن مارالتاي رايىمبەكۇلى جاڭادان اشىلعان ورتالىقتىڭ ءمانى مەن ماڭىزىنا توقتالدى. «ەكى مەگاپوليستەن كەيىن كىتاپ ورتالىعى وسى وڭىردە اشىلىپ وتىر. بۇل – عاجاپ باستاما. ادام كىتاپ وقۋى كەرەك. كىتاپ وقىماعان ادامنىڭ بيىكتەردى باعىندىرىپ، جەتىستىككە جەتۋى ەكىتالاي. اۆتور مەن وقىرمان اراسىن جالعاپ جاتقان «AMANAT» پارتياسىنا جانە ىلكىمدى ىسكە قولداۋ كورسەتىپ جۇرگەن جەرگىلىكتى ازاماتتارعا العىستان باسقا ايتارىم جوق»، – دەدى اقىن.
وسى ورايدا، جازۋشى-دراماتۋرگ ەلەن ءالىمجان قالامداستارىن وسى ورتالىققا ءجيى كەلىپ تۇرۋعا شاقىردى.
«بۇل – وتە جاقسى باستاما. «AMANAT» پارتياسى رۋحاني، مادەني قۇندىلىقتارىمىزدى دامىتۋعا ءار كەز ۇيىتقى بولىپ كەلەدى. بۇل باستامانى قوس قولداپ قۇپتاي وتىرىپ، لايىقتى جالعاسىن تاپسا ەكەن دەپ تىلەيمىن. جۇيەلى جۇمىس جولعا قويىلۋى كەرەك. الداعى ۋاقىتتا اقىن-جازۋشىلار قاۋىمى دا بۇل جۇمىسقا اتسالىسىپ، ءىستىڭ العا باسۋىنا كۇش سالادى دەپ سەنەمىن. وسىنداي ورتالىقتار كوپ بولسىن، ءجيى-ءجيى كەلىپ تۇرايىق»، – دەدى ول.بۇل رەتتە، اقىن ءۇمىت بيتەنوۆا كىتاپ ورتالىعىن اشۋعا اتسالىسقان جاندارعا ايماقتاعى اقىن-جازۋشىلار اتىنان العىس ايتتى.
«وسى جەردە ەلىمىزدىڭ، سونىڭ ىشىندە جەرلەس قالامگەرلەرىمىزدىڭ شىعارمالارى قويىلادى دەگەن ويدامىن. ءاردايىم وسى كىتاپ ورتالىعىنىڭ جۇمىسى جۇيەلى جۇرگىزىلىپ، جاندانىپ، دامۋىنا قولداۋ كورسەتەمىز. سونىڭ دالەلى رەتىندە، بۇگىن ءتورت كىتابىمدى الىپ كەلدىم. الداعى ۋاقىتتا دا بايلانىسىمىز ۇزىلمەيدى دەپ ويلايمىن»، – دەدى ول.ەسكە سالا كەتەيىك، «كىتاپ-AMANAT» جوباسىنىڭ العاشقى ورتالىعى قىركۇيەك ايىنىڭ سوڭىندا الماتى قالاسىندا پارتيا توراعاسىنىڭ قاتىسۋىمەن رەسمي اشىلعان بولاتىن. ال رەسپۋبليكا كۇنى قارساڭىندا پارتيانىڭ استانا قالالىق فيليالىندا ەكىنشى ورتالىق ءوز جۇمىسىن باستادى. پارتيا بۇل جۇمىستى الداعى ۋاقىتتا دا بەلسەندى جالعاستىرادى. ايتا كەتەيىك، «AMANAT»-تىڭ 2023-2027 جىلدارعا ارنالعان «حالىقپەن بىرگە!» سايلاۋالدى باعدارلاماسى اياسىندا جىل سايىن تەاتر، كىتاپحانا، كوممۋنيكاتسيا، ءبىلىم بەرۋ جانە دەمالىس ورتالىقتارىن قوسا العاندا، 300-گە جۋىق مادەنيەت نىسانىن سالۋ جانە جاڭعىرتۋ كوزدەلگەن. سونداي-اق، مادەنيەت، مۇراعات جانە كىتاپحانا قىزمەتكەرلەرىنىڭ جالاقىسى ەكى ەسە ارتادى. «ۇلتتىق تاربيە – ۇلت بولاشاعى» تاربيە بەرۋ تۇجىرىمداماسى ەنگىزىلىپ، ەلىمىزدىڭ بۇكىل ادەبي مۇراسى بىرىڭعاي كىتاپحانا پلاتفورماسى نەگىزىندە تسيفرلىق فورماتقا وتكىزىلەدى.
