«Kıtap-AMANAT» jobasy aiasynda elımızde būryn-soŋdy bolmaǧan bıregei bastama qolǧa alynyp, auyldyq jerde alǧaş ret kıtap ortalyǧy aşyldy. Ortalyq partiianyŋ Jambyl oblysy Baizaq audany Sarykemer auylynda ornalasqan. Osy arqyly partiia auyldaǧy aǧaiynnyŋ otandyq ädebietke, jalpy kıtap oquǧa degen qyzyǧuşylyǧyn arttyryp, qazaqstandyq avtorlar men kıtap şyǧaruşylarǧa qoldau körsetudı közdeidı.
Auyldaǧy alǧaşqy kıtap ortalyǧynyŋ aşylu saltanatyna baspagerler, memleket jäne qoǧam qairatkerlerı, aqyn-jazuşylar, ziialy qauym ökılderı qatysty.
Söz basynda «AMANAT» partiiasy Jambyl oblystyq filialynyŋ töraǧasy Dauyl Beisenqūlov Memleket basşysy ūlttyq müddege sai keletın kıtaptar şyǧaru, kıtaphanalar aşu ısıne erekşe män beretının, osy oraida tūŋǧyş ret auyldyq jerde teŋdesız joba qolǧa alynyp otyrǧanyn atap öttı.
Osy oraida, jazuşy-dramaturg Elen Älımjan qalamdastaryn osy ortalyqqa jiı kelıp tūruǧa şaqyrdy.
«Partiiamyz Prezident bastamasyn ıske asyruǧa däneker bolatyn «Kıtap-AMANAT» jobasyn qolǧa alyp, otandyq ädebiet pen baspagerlerdı qoldaudyŋ jaŋa tetıgın ūsyndy. «AMANAT» Töraǧasy Erlan Qoşanov «Kıtap-AMANAT» ortalyqtaryn barlyq öŋırlık filialda aşudy tapsyrǧan edı. Almaty men Astanada bastalǧan joba bügın Jambyl oblysy Baizaq audanynda jalǧasyp jatyr. Jaŋa ortalyq ruhaniiatqa şölırkegen auyldaǧy aǧaiynnyŋ süiıktı ornyna ainalady degen senımdemın», – dedı Dauyl Beisenqūlov.Öz kezegınde, «Qazaqstan respublikasynyŋ baspagerler, poligrafister jäne kıtap taratuşylar» qauymdastyǧynyŋ prezidentı Ädıl Qoitanov kıtap ortalyǧynyŋ auylda aşylǧanyna airyqşa rizaşylyǧyn bıldırdı.
«Būl jai ǧana kıtap dükenı emes, būl – ruhaniiat ortalyǧy. Aldaǧy uaqytta osynda baspagerlermen, avtorlarmen kelelı kezdesu ötıp, türlı ıs-şara ūiymdastyrylady degen oidamyn. Osynda kelgen jastardyŋ kıtap oquǧa degen yntasy artady. Elımızde bıraz jyl avtor, baspa, kıtaphana, kıtap dükenı arasyndaǧy bailanys üzılıp qalǧan edı. Osyndai ortalyqtar arqyly bailanys qaita jaŋǧyryp jatyr. Eŋ basty maqsat – elge jaŋa kıtaptardy tanystyru. Osy öŋırde de jazuşylarymyz öte köp kıtap şyǧaryp jatyr. Alaida onyŋ bärı jer-jerge jetpeidı. Ärbır öŋırde osyndai ortalyqtar aşyluy kerek», – dedı ol.Al QR Ūlttyq memlekettık kıtap palatasy direktorynyŋ orynbasary, aqyn Maraltai Raiymbekūly jaŋadan aşylǧan ortalyqtyŋ mänı men maŋyzyna toqtaldy. «Ekı megapolisten keiın kıtap ortalyǧy osy öŋırde aşylyp otyr. Būl – ǧajap bastama. Adam kıtap oquy kerek. Kıtap oqymaǧan adamnyŋ biıkterdı baǧyndyryp, jetıstıkke jetuı ekıtalai. Avtor men oqyrman arasyn jalǧap jatqan «AMANAT» partiiasyna jäne ılkımdı ıske qoldau körsetıp jürgen jergılıktı azamattarǧa alǧystan basqa aitarym joq», – dedı aqyn.
Osy oraida, jazuşy-dramaturg Elen Älımjan qalamdastaryn osy ortalyqqa jiı kelıp tūruǧa şaqyrdy.
«Būl – öte jaqsy bastama. «AMANAT» partiiasy ruhani, mädeni qūndylyqtarymyzdy damytuǧa är kez ūiytqy bolyp keledı. Būl bastamany qos qoldap qūptai otyryp, laiyqty jalǧasyn tapsa eken dep tıleimın. Jüielı jūmys jolǧa qoiyluy kerek. Aldaǧy uaqytta aqyn-jazuşylar qauymy da būl jūmysqa atsalysyp, ıstıŋ alǧa basuyna küş salady dep senemın. Osyndai ortalyqtar köp bolsyn, jiı-jiı kelıp tūraiyq», – dedı ol.Būl rette, aqyn Ümıt Bitenova kıtap ortalyǧyn aşuǧa atsalysqan jandarǧa aimaqtaǧy aqyn-jazuşylar atynan alǧys aitty.
«Osy jerde elımızdıŋ, sonyŋ ışınde jerles qalamgerlerımızdıŋ şyǧarmalary qoiylady degen oidamyn. Ärdaiym osy kıtap ortalyǧynyŋ jūmysy jüielı jürgızılıp, jandanyp, damuyna qoldau körsetemız. Sonyŋ dälelı retınde, bügın tört kıtabymdy alyp keldım. Aldaǧy uaqytta da bailanysymyz üzılmeidı dep oilaimyn», – dedı ol.Eske sala keteiık, «Kıtap-AMANAT» jobasynyŋ alǧaşqy ortalyǧy qyrküiek aiynyŋ soŋynda Almaty qalasynda partiia Töraǧasynyŋ qatysuymen resmi aşylǧan bolatyn. Al Respublika künı qarsaŋynda partiianyŋ Astana qalalyq filialynda ekınşı ortalyq öz jūmysyn bastady. Partiia būl jūmysty aldaǧy uaqytta da belsendı jalǧastyrady. Aita keteiık, «AMANAT»-tyŋ 2023-2027 jyldarǧa arnalǧan «Halyqpen bırge!» sailaualdy baǧdarlamasy aiasynda jyl saiyn teatr, kıtaphana, kommunikasiia, bılım beru jäne demalys ortalyqtaryn qosa alǧanda, 300-ge juyq mädeniet nysanyn salu jäne jaŋǧyrtu közdelgen. Sondai-aq, mädeniet, mūraǧat jäne kıtaphana qyzmetkerlerınıŋ jalaqysy ekı ese artady. «Ūlttyq tärbie – ūlt bolaşaǧy» tärbie beru tūjyrymdamasy engızılıp, elımızdıŋ bükıl ädebi mūrasy bıryŋǧai kıtaphana platformasy negızınde sifrlyq formatqa ötkızıledı.
