تۇركىستان وبلىسى كاسىپكەرلىك جانە ونەركاسىپ باسقارماسىنىڭ باستاۋىمەن، «تۇركىستان ينۆەست» ۇيىمداستىرۋىمەن وبلىستىق كاسىپكەرلەر دەلەگاتسيسى قىتايعا ءىس-ساپارمەن كەلدى.
قىتاي حالىق رەسپۋبليكاسىنا كەلۋدەگى ماقسات تۇركىستان وبلىسىنا ينۆەستيتسيا تارتۋ، ەكى جاقتى ساۋدا ەكونوميكالىق ىنتىماقتاستىقتى ارتتىرۋ جانە جەرگىلىكتى كاسىپكەرلەرمەن تاجىريبيە الماسۋ.
دەلەگاتسيا العاشقى كۇنى قىتايدىڭ شاندونگ پروۆينتسياسى ليچچين قالاسىنىڭ اكىمشىلىگى جانە بيزنەس وكىلدەرىمەن كەزدەسىپ، جينالىسقا قاتىستى.
جينالىستا تۇركىستان وبلىسىنىڭ كاسىپكەرلىك جانە ونەركاسىپ باسقارما باسشىسىنىڭ ورىنباسارى سامات كوشكىنباي تۇركىستان وبلىسى دەلەگاتسيا قۇرامىن تانىستىردى. وبلىس تۋرالى ارنايى دايىندالعان ۆيدەوروليك كورسەتتى.
«تۇركىستان ينۆەست» باسشىسى بەرىك كەنجەباەۆ وبلىستىڭ ينۆەستيتسيالىق مۇمكىندىكتەرى بويىنشا ءسوز سويلەپ، پرەزەنتاتسيا جاسادى. توراعا ءوز سوزىندە وبلىسقا ينۆەستيتسيا سالۋدىڭ تيىمدىلىگىن ايتتى. اۋىل شارۋاشىلىعى، ءوندىرىس، قايتا وڭدەۋ سالالارىندا جەتكەن جەتىستىكتەرىمەن تانىستىردى.
تۇركىستان وبلىسى مەن قىتاي اراسىنداعى تاۋار اينالىمى 2022 جىلى 134,3 ملن اقش دوللارىن قۇرادى. ءوسىم 12,9%-عا ارتقان.
ونىڭ ىشىندە ەكسپورت – 83,7 اقش دوللارى، يمپورت – 50,6 ملن.اقش دوللارىن قۇرادى.
سوڭعى 3 جىلدا تۇركىستان وبلىسى مەن قىتاي اراسىنداعى ساۋدا اينالىمى 2 ەسە ارتقان.
ەكى ەل اراسىندا ەكونوميكالىق، ينۆەستيتسيالىق جوبالار جۇزەگە اسىپ جاتىر.
تۇركىستاندىق دەلەگاتسيانىڭ ءىس-ساپارى قىتايداعى ءىرى وندىرىستىك كاسىپورىندارىندارىن ارالاۋمەن جالعاسادى. الداعى ۋاقىتتا كەلىسسوزدەر جۇرگىزىلىپ، كەلىسىمشارتتار جاسالادى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز