اباي وبلىسىندا 15 جاستاعى بويجەتكەن جوعالىپ كەتتى، دەپ حابارلايدى "ادىرنا" ءتىلشىسى.
اباي وبلىسىندا 15 جاستاعى ەفانوۆا ۆالەريا الەكساندروۆا جوعالىپ كەتتى. ءجاسوسپىرىمدى اباي وبلىسىنىڭ پوليتسيا دەپارتامەنتى ىزدەستىرۋدە.
ۆەدومستۆو مالىمەتىنە سۇيەنسەك، ءجاسوسپىرىم قىز 2 قاراشا ساعات 8:30-دا كوللەدجگە وقۋعا كەتكەننەن قايتا ورالماعان.
جوعالعان ۆالەريا ەفانوۆانىڭ بەلگىلەرى: ارىقشا كەلگەن، كوزىنىڭ ءتۇسى جاسىل، شاشى اق سارى ءتۇستى، يىعىنان جوعارى. ءجاسوسپىرىمنىڭ ۇستىندە ەكى جاعىندا كيۋگە بولاتىن اق-حاكي ءتۇستى كۇرتە، اياعىندا اق ءتۇستى كروسسوۆكا، سونداي-اق اقشىل ءتۇستى سومكەسى بولعان.
پوليتسيا ءجاسوسپىرىم قىزدىڭ ورنالاسقان جەرى تۋرالى قانداي-دا ءبىر اقپارات بولسا +7 (707) 951-46-65, +7 (707) 503-26-43 نومىرلەرىنە نەمەسە 102 ارناسىنا حابارلاسۋدى سۇرايدى.
