شىمكەنتتە ورتالىق ستاديوندا كامەلەتكە تولماعان بالا جاراقات الدى، دەپ حابارلايدى “ادىرنا” ۇلتتتىق پورتالى Aikyn.kz-كە سىلتەپ.
بۇل اقپاراتتى شىمكەنت قالالىق پوليتسيا دەپارتامەنتى رەسمي تۇردە راستادى.
وقيعا مۇگەدەكتىگى بار ادامدارعا ارنالعان ساداق اتۋ سەكتسياسىنىڭ جاتتىعۋى كەزىندە ورىن العان. جاتتىعۋ بارىسىندا جەبەلەردىڭ ءبىرى تراەكتورياسىنان اۋىتقىپ، الاڭ شەكاراسىنان شىعىپ كەتكەن. سول ساتتە ستاديون جانىنان ءوتىپ بارا جاتقان جاسوسپىرىمگە ساداقتىڭ جەبەسى تيگەن.
«ورتالىق ستاديون اۋماعىنداعى اتالعان سەكتسيادا ساداقپەن اتۋ كەزىندە ءبىر جەبە باعىتىنان تايىپ، الاڭ سىرتىنا ۇشىپ كەتكەن. ناتيجەسىندە ول ستاديون جانىنا ءوتىپ بارا جاتقان بالاعا تيگەن»، – دەدى شىمكەنت قالالىق پوليتسيا دەپارتامەنتىنىڭ ءباسپاسوز حاتشىسى باعلان يساتاەۆا.
ءجاسوسپىرىم شۇعىل تۇردە اۋرۋحاناعا جەتكىزىلدى. دارىگەرلەر ونىڭ جاعدايى تۇراقتى ەكەنىن جانە ومىرىنە قاۋىپ جوق ەكەنىن مالىمدەگكن.
قازىرگى ۋاقىتتا پوليتسيا اتالعان فاكت بويىنشا قىلمىستىق ءىس قوزعاپ، وقيعانىڭ ناقتى ءمان-جايىن انىقتاپ جاتىر.
ۇقساس جاڭالىقتار
