قازاقستاندا اۋەسقويلىق ماقساتتا اقبوكەندەردى اۋلاۋعا رۇقسات بەرۋ جوسپارلانۋدا، دەپ حابارلايدى «ادىرنا» ۇلتتىق پورتالى قازتاگ-قا سىلتەمە جاساپ.
«جانۋارلار دۇنيەسىن پايدالانۋعا رۇقسات بەرۋ قاعيدالارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترى مىندەتىن اتقارۋشىنىڭ 2014 جىلعى 19 جەلتوقسانداعى № 18-04/675 بۇيرىعىنا مىناداي وزگەرىس ەنگىزىلسىن – وسى بۇيرىققا 2, 3, 4 جانە 5-قوسىمشالارعا سايكەس 10, 11, 12 جانە 13-قوسىمشالارمەن تولىقتىرىلسىن»، - دەلىنگەن ەكولوگيا جانە تابيعي رەسۋرستار مينيسترلىگى ازىرلەگەن قۇجات جوباسىندا.
ورمان شارۋاشىلىعى جانە جانۋارلار دۇنيەسى كوميتەتى دايىنداعان قۇجاتتا، بەكىتىلگەن اڭشىلىق شارۋاشىلىقتارىنىڭ اۋماعىندا دەريۆاتتاردى (مۇيىزدەردى) قوسپاعاندا، اقبوكەندەرگە اۋەسقويلىق (سپورتتىق) اڭ اۋلاۋ بولىنگەن كۆوتاعا سايكەس جۇزەگە اسىرىلاتىنى جازىلعان.
بەكىتىلگەن اڭشىلىق شارۋاشىلىقتارىنىڭ اۋماعىندا اقبوكەندەرگە اۋەسقويلىق (سپورتتىق) اڭ اۋلاۋدى جۇرگىزۋگە ءوتىنىم جەرگىلىكتى اتقارۋشى ورگانعا بەرىلەدى.
«رەزەرۆتىك قور اۋماعىندا اقبوكەندەرگە اڭ اۋلاۋدى جۇرگىزۋگە ارنالعان ليميت بيولوگيالىق نەگىزدەمە نەگىزىندە بەلگىلەنەدى»، - دەلىنگەن قۇجاتتا.
بۇيرىق ۇلتتىق ەكونوميكا مينيسترلىگىمەن جانە ينۆەستيتسيالار جانە دامۋ مينيسترلىگىمەن كەلىسىلۋى ءتيىس.
ەستەىڭىزگە سالساق، ەكولوگيا جانە تابيعي رەسۋرستار مينيسترلىگى اڭ اۋلاۋ ەرەجەلەرىنە وزگەرىستەر ەنگىزىپ، جىل سايىن 1 قازان مەن 15 قاراشا ارالىعىندا كيىك اۋلاۋعا رۇقسات بەرىلگەنىن جازعان ەدىك.
«ادىرنا» ۇلتتىق پورتالى
