وقۋ-اعارتۋ ءمينيسترى عاني بەيسەمباەۆ قازاقستاننىڭ وڭتۇستىگىندە اشىلماق ورىس مەكتەپتەرىنە قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
ايتۋىنشا، وڭتۇستىك وڭىرلەردە ءۇش اۋىسىمدا وقيتىن مەكتەپتەر كوپ ءارى مەكتەپ جەتىسپەۋشىلىگى بايقالادى.
«وزدەرىڭىز بىلەتىندەي، بۇل — ۇلكەن ايماق. مۇنداي جەرلەرگە مەكتەپ سالۋعا قولداۋ كورسەتۋىمىز كەرەك. «جايلى مەكتەپ» ۇلتتىق جوباسى اياسىندا بەلگىلى ءبىر قارجى بولىنەدى، دەگەنمەن جەتكىلىكسىز بولىپ وتىر»،- دەدى مينيستر.
عاني بەيسەمباەۆ ەلىمىزدە ورىس تىلىندە وقىتىلاتىن ارالاس مەكتەپتەر بار ەكەنىن اتاپ ءوتتى.
«ەلىمىزدەگى كەز كەلگەن مەكتەپتە قازاقستاننىڭ ستاندارتتارى قاتاڭ ساقتالادى. «ورىس مەكتەبى» دەگەن تۇسىنىك جوق. ءبىز كوپتىلدىلىكتى دامىتىپ جاتىرمىز. بالالارىمىز باسەكەگە قابىلەتتى بولۋى كەرەك. بىرنەشە ءتىل دامىتىلۋى ءتيىس. سوندىقتان يۋ، ەگەر فرانتسۋز نەمەسە باسقا دا مەكتەپتەر اشىلىپ جاتسا، بۇل ساياساتقا اسەر ەتەدى دەگەن ءبىر فوبيا بولماۋى كەرەك»،—دەپ ءتۇسىندىردى ول.
باسقارما باسشىسى مەكتەپتەردىڭ قۇرىلىسىن رەسەي تاراپى قارجىلاندىراتىن ايتتى.
«بۇل مەكتەپتەردە ءوزىمىزدىڭ ۇستازدار جۇمىس ىستەيدى. ال رەسەيدەن مامان تارتۋعا تىيىم سالىنبايدى. ەگەر انا تىلىندە سويلەيتىندەر فرانتسۋز، اعىلشىن تىلدەرىن ۇيرەتىپ جاتسا، بۇل جاقسى ەمەس پە، مۇنداي تاجىريبەدە بار»،—دەدى مينيستر.
ەسكە سالايىق، بۇعان دەيىن قازاقستاننىڭ وڭتۇستىگىندە ءۇش ءورىستىلدى مەكتەپ سالىناتىنى تۋرالى جازعان ەدىك.
