الماتىدا افريكا ەلدەرىنەن كەلگەن 11 زاڭسىز يمميگرانت ۇستالدى. ولار قازاقستاننىڭ حالىقتىڭ كوشى-قونى سالاسىنداعى زاڭناماسىن بۇزعان. بۇل تۋرالى كوشى-قون قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ۇستالعان شەتەلدىكتەر قالاداعى جاتاقحانالاردا تۇرىپ، زاڭسىز ەڭبەك قىزمەتىمەن اينالىسقان.
ولاردىڭ جەكە باسىن راستايتىن قۇجاتتارى بولماعان.
قۇقىق بۇزۋشىلار پوليتسيا ءبولىمىنىڭ قابىلداۋ بولىمىنە ورنالاستىرىلدى.
سونداي-اق، كوشى-قون قىزمەتىنىڭ مالىمەتىنشە، مەگاپوليستە جەرگىلىكتى پوليتسيا قىزمەتىنىڭ كومەگىمەن زاڭسىز كوشى-قون فاكتىلەرىن انىقتاۋعا باعىتتالعان بىرلەسكەن جەدەل-پروفيلاكتيكالىق ءىس-شارا جۇرگىزىلۋدە.
قۇرىلىس نىساندارىن تەكسەرۋ ناتيجەسىندە قازاقستان رەسپۋبليكاسىندا بولۋ ەرەجەلەرىن بۇزعان 277 شەتەلدىك انىقتالدى، ونىڭ 28-ءى شەت مەملەكەتتەردىڭ ازاماتتارى: نيگەريا – 11, تۇركيا – 19, ءۇندىستان – 3, فيليپپين – 2. ، قىتاي – 1, يران – 1, سونداي-اق كورشىلەس ەلدەردىڭ 249 ازاماتى: وزبەكستان – 184. رەسەي – 38, تاجىكستان – 18, تۇركىمەنستان – 4, ءازىربايجان – 3, قىرعىزستان – 1 جانە ۋكراينا – 1.
جەكە باسىن كۋالاندىراتىن قۇجاتتارى جوق 145 شەتەل ازاماتى قابىلداۋ-ءبولۋ ورنىنا ورنالاستىرىلسا، تاعى 62-ءسى سوت شەشىمىمەن ەلدەن شىعارىلدى.
سونداي-اق، شەتەلدىكتەردى شاقىرۋ ەرەجەلەرىن بۇزعان جانە ولاردىڭ دەر كەزىندە شىعۋىن قامتاماسىز ەتپەگەن 82 زاڭدى تۇلعاعا شارا قولدانىلدى.
