قر توتەنشە جاعدايلار مينيسترلىگى پوليتسيا دەرەكتەرىنە سىلتەمە جاساپ، بۇگىندە ەلىمىزدە 6,5 مىڭنان استام ەلەكتروموبيل تىركەلگەنىن اتاپ ءوتتى. ال قازاقستاندىقتار اۆتوتۇراقتار مەن تۇرعىن ءۇي جانە قوعامدىق عيماراتتاردىڭ تۇراقتارىنا زاريادتاۋ ستانتسيالارىن بەلسەندى تۇردە ورناتۋدا. بىراق ەلەكتر زاريادتاعىشتارىنىڭ قۇرىلىس نورمالارى قازاقستاننىڭ ەشبىر ستاندارتتارىندا كورسەتىلمەگەن، دەپ حابارلايدى "ادىرنا" پورتالى. بۇل تۋرالى kolesa.kz جازدى.
«ەلەكتروكولىكتەگى ءورتتى سوندىرۋدەگى شەتەلدىك تاجىريبە ليتي-يوندىق اككۋمۋلياتورلاردىڭ قىسقا تۇيىقتالۋ، ىستەن شىعۋى جانە وزدىگىنەن تۇتانىپ، جارىلۋى مۇمكىن ەكەنىن كورسەتەدى. وسىعان بايلانىستى توتەنشە جاعدايلار مينيسترلىگى ەلەكتر كولىكتەرى مەن ولاردى زاريادتاۋ ستانتسيالارىن ورنالاستىرۋدىڭ حالىقارالىق تاجىريبەسىن زەردەلەي وتىرىپ، ساۋلەت، قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتىك قۇقىقتىق اكتىلەرگە ورنالاسقان جەرىنە قويىلاتىن تالاپتاردى بەلگىلەۋ بولىگىندە وزگەرىستەر ەنگىزۋ قاجەتتىگىن اتاپ وتەدى»، - دەدى مينيسترلىك.
قۇرىلىس زاڭناماسىنا وزگەرىستەر ەنگىزىلگەننەن كەيىن ءورت قاۋىپسىزدىگى ەرەجەلەرى دە تۇزەتىلەتىن بولادى.
«ءتيىستى نورماتيۆتىك قۇقىقتىق اكتىلەر قابىلدانعانعا دەيىن اۆتوتۇراقتاردا، تۇرعىن ءۇي ماڭاىنداعى كولىك تۇراقتارىندا وندىرىستىك گاراجداردا، سارايلاردىڭ استىنداعى جانە ەلەكتر كولىكتەرىن زاريادتاۋعا ارنالعان اشىق قويمالاردا اينىمالى توك زاريادتاۋ ستانتسيالارىن پايدالانۋعا جول بەرىلمەيدى»، - دەدى تجم.
وسى حابارلاما نەگىزىندە تەك تۇرعىن ءۇي كەشەندەرىنىڭ تۇراقتارىندا عانا ەمەس، سونىمەن قاتار ساۋدا ورتالىقتارىنىڭ تۇراقتارىندا، سونداي-اق كوشە ستانتسيالارىندا زاريادتاعىشتاردى ورناتۋعا جانە كولىكتەردى زاريادتاۋعا تىيىم سالىندى.
