QR Tötenşe jaǧdailar ministrlıgı polisiia derekterıne sılteme jasap, bügınde elımızde 6,5 myŋnan astam elektromobil tırkelgenın atap öttı. Al qazaqstandyqtar avtotūraqtar men tūrǧyn üi jäne qoǧamdyq ǧimarattardyŋ tūraqtaryna zariadtau stansiialaryn belsendı türde ornatuda. Bıraq elektr zariadtaǧyştarynyŋ qūrylys normalary Qazaqstannyŋ eşbır standarttarynda körsetılmegen, dep habarlaidy "Adyrna" portaly. Būl turaly kolesa.kz jazdy.
«Elektrokölıktegı örttı söndırudegı şeteldık täjıribe litii-iondyq akkumuliatorlardyŋ qysqa tūiyqtalu, ısten şyǧuy jäne özdıgınen tūtanyp, jaryluy mümkın ekenın körsetedı. Osyǧan bailanysty Tötenşe jaǧdailar ministrlıgı elektr kölıkterı men olardy zariadtau stansiialaryn ornalastyrudyŋ halyqaralyq täjıribesın zerdelei otyryp, säulet, qala qūrylysy jäne qūrylys salasyndaǧy memlekettık normativtık qūqyqtyq aktılerge ornalasqan jerıne qoiylatyn talaptardy belgıleu bölıgınde özgerıster engızu qajettıgın atap ötedı», - dedı ministrlık.
Qūrylys zaŋnamasyna özgerıster engızılgennen keiın ört qauıpsızdıgı erejelerı de tüzetıletın bolady.
«Tiıstı normativtık qūqyqtyq aktıler qabyldanǧanǧa deiın avtotūraqtarda, tūrǧyn üi maŋayndaǧy kölık tūraqtarynda öndırıstık garajdarda, sarailardyŋ astyndaǧy jäne elektr kölıkterın zariadtauǧa arnalǧan aşyq qoimalarda ainymaly tok zariadtau stansiialaryn paidalanuǧa jol berılmeidı», - dedı TJM.
Osy habarlama negızınde tek tūrǧyn üi keşenderınıŋ tūraqtarynda ǧana emes, sonymen qatar sauda ortalyqtarynyŋ tūraqtarynda, sondai-aq köşe stansiialarynda zariadtaǧyştardy ornatuǧa jäne kölıkterdı zariadtauǧa tyiym salyndy.
Ūqsas jaŋalyqtar
