«اتامۇرا» باسپاسى ۇزدىك اتاندى

الماتىدا «ۇلى جىبەك جولىمەن–2023» حI حالىقارالىق كىتاپ جانە پوليگرافيا جارمەڭكەسى ءوتتى، دەپ حابارلايدى «ادىرنا» ءتىلشىسى. ءىس-شارانىڭ نەگىزگى ماقساتى – قازاقستان اۋماعى بويىنشا كىتاپتاردىڭ تارالۋىنا، قولجەتىمدى بولۋىنا ۇلەس قوسۋ. كورمەگە قازاقستان، رەسەي، قىرعىزستان، وزبەكستان، ازەربايجان ەلدەرىنىڭ جەتەكشى باسپالارى، پوليگرافيالىق كومپانيالارى مەن كىتاپحانالارىنىڭ وكىلدەرى قاتىستى. ءىس-شارا بارىسىندا جاس ۇرپاققا قازاق اۋىز ادەبيەتىنىڭ جاۋھارلارى تەرەڭىرەك تانىستىرىلدى. «ۇلى جىبەك جولىمەن–2023» حI حالىقارالىق كىتاپ جانە پوليگرافيا جارمەڭكەسىندە ۇلتتىق داستۇردە تاربيەلەۋدى ماقسات ەتكەن 17 كىتاپتان تۇراتىن «ۇلى دالا فولكلورى» توپتاماسى «بالالار مەن جاسوسپىرىمدەرگە ارنالعان ەڭ ۇزدىك كوركەم جانە تانىمدىق كىتاپ» نوميناتسياسىن قانجىعاسىنا بايلادى. ال مەملەكەتتىك سىيلىقتىڭ يەگەرى عالىم جايلىبايدىڭ «اتامۇرا» باسپاسىنان شىققان «جالعىز قاراعاي» اتتى جىر جيناعى «پوەزيا سالاسى بويىنشا ەڭ ۇزدىك كوركەم باسىلىم» نوميناتسياسىن جەڭىپ الدى.