الماتىدا مەكتەپ بۋحگالتەرى 46 ملن تەڭگە جىمقىرعانى ايتىلدى

3133
Adyrna.kz Telegram
https://adyrna.kz/content/uploads/2023/11/photo-output-10.jpeg
الماتى قالاسىندا مەكتەپتىڭ باس بۋحگالتەرى 46 ملن تەڭگەدەن اسا بيۋدجەت قاراجاتىن جىمقىردى. بۇل تۋرالى الماتى قالاسىنىڭ پروكۋراتۋراسى ايتتى، دەپ حابارلايدى «ادىرنا» ءتىلشىسى. اتالعان فاكتى بويىنشا بوستاندىق اۋدانىنىڭ پروكۋراتۋراسى سوتقا دەيىنگى تەرگەپ-تەكسەرۋ باستادى.
«ەسەپشى ءبىر جىل بويى شتاتتىق كەستەدەگى ەڭبەكاقىدان كوپ جالاقىنى ءوزىنىڭ جەكە شوتتارىنا زاڭسىز اۋدارىپ كەلگەن. ول ءوز كىناسىن تولىق مويىندادى»،—دەلىنگەن حابارلامادا.
بۋحگالتەردىڭ كىناسى تولىق دالەلدەنسە 7 جىلعا دەيىن باس بوستاندىعىنان ايرىلۋى مۇمكىن. وعان قازاقستان رەسپۋبليكاسى قىلمىستىق كودەكسىنىڭ 189-بابى 4-بولىگىنىڭ 2-تارماعى (سەنىپ تاپسىرىلعان مۇلىكتى يەمدەنۋ جانە ىسىراپ ەتۋ) بويىنشا ماتەريالدىق-جاۋاپتى لاۋازىمداردى اتقارۋ قۇقىعىنان 5 جىلعا جانە باس بوستاندىعىنان 7 جىلعا ايىرۋ جازاسى قاراستىرىلعان.
پىكىرلەر