بىشكەكتە "مەديا فورۋم" عيماراتى الدىندا جەمقورلىققا قارسى ميتينگ ءوتىپ جاتىر. قىرعىزستاننىڭ سوتسيال-دەموكراتيالىق پارتياسىنىڭ ساياسي كەڭەسىنىڭ مۇشەسى اديل تۋردۋكۋلوۆتىڭ ايتۋىنشا، ميتينگكە قاتىسۋشىلار ەلدەگى جەمقورلىققا قارسى شارانىڭ تەك "بەلگىلى ءبىر تۇلعالارعا قارسى" (ولاردىڭ اراسىندا ەلدىڭ بۇرىنعى پرەزيدەنتى المازبەك اتامباەۆ پەن وپپوزيتسيالىق كوزقاراستاعى بىرقاتار تۇلعالار بار) ءجۇرىپ جاتقانىنا نارازىلىق بىلدىرگەن. شاراعا المازبەك اتامباەۆ پەن پارتياعا مۇشە پارلامەنت دەپۋتاتتارى قاتىسىپ جاتىر. ازاتتىقتىڭ قىرعىز قىزمەتى شارادان تىكەلەي ەفيردە حابار تاراتىپ جاتىر.
قازىرگى كەزدە ەلدىڭ ءتۇرلى سالاسىن باسقارعان بىرقاتار شەنەۋنىك ءتۇرلى ايىپتارمەن قامالعان. اتامباەۆتىڭ جاقتاستارى ولاردىڭ ساياسي قۋعىنعا ۇشىراپ جاتقانىن ايتادى. 25 مامىردا المازبەك اتامباەۆ قىرعىزستاننىڭ سوتسيال-دەموكراتيالىق پارتيا توراعالىعى مەن مۇشەلىگىنەن كەتكەن.
