ورىستىڭ اسا تالانتتى ءھام تاعدىرلى اقىنى الاكساندر پۋشكيننىڭ تۋعانىنا 220 جىل تولۋىنا وراي وسكەمەندەگى ا.پۋشكين اتىنداعى وبلىستىق كىتاپحانادا كەرەمەت كەش ءوتتى.
وعان شىعىس قازاقستان وبلىسى اكىمىنىڭ ورىنباسارى اسەم ءنۇسىپوۆا قاتىستى. سالتاناتتى ءىس-شارا كىتاپحانا الدىنداعى اقىننىڭ ەسكەرتكىشىنە گۇل شوقتارىن قويۋمەن باستالدى.
- بيىل پۋشكيننىڭ تۋعانىنا 220 جىل. بۇل - ايتۋلى داتا. بۇگىندە ءبىزدىڭ وبلىستا كلاسسيك اقىننىڭ اتىندا كىتاپحانا بار. وندا وقىرماندارعا قاجەتتى كىتاپتار مەن وقۋلىقتار جەتەرلىك. كىتاپحانا قورىندا 380 مىڭنان استام كىتاپ جينالعان. ونىڭ ىشىندە، وبلىس اكىمدىگىنىڭ قولداۋىمەن «رۋحاني جاڭعىرۋ» باعدارلاماسىنىڭ اياسىندا «اباي الەمى» سەرياسىمەن جارىق كورگەن اباي، شاكارىم، اۋەزوۆ، ف.دوستوەۆسكي سىندى كوپتەگەن اقىن-جازۋشىلاردىڭ شىعارمالارى بار. بيىل ءبىز بۇل ءتىزىمدى ودان ارى كەڭەيتىپ، باسپا بەتىن كورەتىن اۆتورلاردىڭ شىعارمالارىن كوبەيتۋدى جوسپارلاپ وتىرمىز، - دەدى اسەم ءنۇسىپوۆا.
ايتۋلى كەشكە وسكەمەندەگى رەسەي فەدەراتسياسى باس كونسۋلدىعىنىڭ وكىلى دە قاتىسىپ، ءسوز سويلەدى.
بۇل كۇنى وبلىستىق كىتاپحانانىڭ الدىندا «ۆسە و پۋشكينە» اتتى سۇراق-جاۋاپ كورمەسى ءۇيىمداستىرىلىپ، كوپشىلىك «ەكسكليۋزيۆ» فوتوكلۋبى مۇشەلەرىنىڭ تۋىندىلارىن كوردى. جاستار جاعى اقىننىڭ وتتى جىرلارىن وقىدى. ال شاراعا كەلگەن قوناقتار «سالون تاتيانى لارينوي» اتتى ادەبي-مۋزىكالىق كەشتى تاماشالاپ، اقىن ولەڭدەرىنە جازىلعان اۋەزدى رومانستاردى تىڭدادى.
قۋان سەيىت
