حوستەلدەگى ءورت سالدارىنان قازا تاپقان نيكيتا كورولەۆتىڭ اناسى الەۋمەتتىك جەلىدەگى پاراقشاسىنا اسەرلى جازبا جاريالادى، دەپ حابارلايدى "ادىرنا" ءتىلشىسى لادا پورتالىنا سىلتەپ.
نيكيتا كورولەۆتىڭ اناسى ءوزىنىڭ Instagram پاراقشاسىندا ۇلىنىڭ جەرلەۋ ءراسىمى وتكەنىن جازدى. نيكيتا وتباسىنداعى جالعىز بالا بولعان.
ونىڭ سوزىنشە، قايتىس بولعان ۇلى اقتاۋعا ۇيىنە ۇشۋعا ءبىر كۇن قالعاندا قايعىلى وقيعاعا تاپ بولعان.
“ول مەنىڭ جالعىز ۇلىم. 24 جەلتوقساندا 20 جاسقا تولار ەدى. مەن ونى كورمەگەنىمە 1,5 جىل بولىپ ەدى. ال بۇگىن ونى سوڭعى رەت قۇشاقتادىم. بۇل ومىردە نەمەرە-شوبەرەلى بولاتىنىما سەنىمدى ەدىم. بالالارىڭىزدىڭ ومىرگە قۇرعان جوسپارلارى اتا-اناسىنا ءومىر سۇرۋگە باستى سەبەپ. مەنىڭ قازىر ونداي جوسپارىم جوق. بۇل قايعىدان قالاي شىعۋعا بولاتىنىن بىلسەڭىزدەر ايتىڭىزدار. مەندە ءۇمىت ەتەر ەشتەڭە قالعان جوق”، – دەپ جازدى ەۆگەنيا ۆەگەر.
ەسكە سالا كەتەيىك، الماتىدا حوستەلدەگى ورتتەن 13 ادام كوز جۇمدى.
دەگەنمەن، قازا تاپقانداردىڭ تىزىمىندە بولعان تۇركىستان وبلىسىنىڭ تۋماسى ءتىرى بولىپ شىقتى.
