83 جاسىندا مەملەكەت قايراتكەرى، ديپلومات، قازاقستان كومپارتياسى ورال وبلىستىق كوميتەتىنىڭ ءبىرىنشى حاتشىسى ناجىمەدەن ىقسانۇلى ەسقاليەۆ دۇنيەدەن ءوتتى، دەپ حابارلايدى "ادىرنا" پورتالى «موي گورود» باسىلىمىنا سىلتەمە جاساپ.
1941 جىلى 5 قىركۇيەكتە استراحان وبلىسى، كراسنويار اۋدانى، بايبەك اۋىلىندا دۇنيەگە كەلگەن. 1991 جىلدىڭ اقپانىنان 1993 جىلدىڭ قاڭتارىنا دەيىن باتىس قازاقستان وبلىستىق اكىمشىلىگىنىڭ باسشىسى بولدى. قازاقستان رەسپۋبليكاسىنىڭ تاجىكستانداعى، وزبەكستانداعى جانە ۋكرايناداعى توتەنشە جانە وكىلەتتى ەلشىسى قىزمەتىن دە اتقارعان. ول ورال قالاسىنىڭ قۇرمەتتى ازاماتى بولدى.
ناجىمەدەن ىقسانۇلى باتىس قازاقستان وبلىسىنىڭ ەكس-اكىمى عالي ەسقاليەۆتىڭ اكەسى. سونداي-اق، ول 1991 جىلى ورال وقيعاسى كەزىندە وبلىستاعى پارتيا كوميتەتىنىڭ ءبىرىنشى حاتشىسى رەتىندە بەلگىلى.
ەسكە سالا كەتەيىك، 1990 جىلى قاراشا ايى ىشىندە قالا شىركەۋىندە كازاكتاردىڭ اسكەري رامىزدەرىن ۇلىقتاۋ شاراسى ءوتتى. 1990 جىلى 30 قاراشادا كراسنودار قالاسىندا كازاك اتاماندار وداعىنىڭ ءبىرىنشى كەڭەيتىلگەن كەڭەسى ءوتىپ، وندا «رەسەي كازاكتارىنىڭ دەكلاراتسياسى» قابىلداندى. قازاقستان جەرىندەگى ەرتىس، جەتىسۋ، جايىق كازاكتارى ماسەلەسى رەسەي كازاكتارىنىڭ قۇرامداس بولىگى رەتىندە وسى قۇجاتقا كىردى. كەيىننەن ەل جادىندا بۇل جاعدايلار "ورال وقيعاسى" دەپ اتالىپ كەتتى.
