Oral oqiǧasy kezınde öŋırdı basqarǧan äkım qaitys boldy

83 jasynda memleket qairatkerı, diplomat, Qazaqstan Kompartiiasy Oral oblystyq komitetınıŋ bırınşı hatşysy Näjımeden Yqsanūly Esqaliev dünieden öttı, dep habarlaidy "Adyrna" portaly «Moi gorod» basylymyna sılteme jasap. 1941 jyly 5 qyrküiekte Astrahan oblysy, Krasnoiar audany, Baibek auylynda düniege kelgen. 1991 jyldyŋ aqpanynan 1993 jyldyŋ qaŋtaryna deiın Batys Qazaqstan oblystyq äkımşılıgınıŋ basşysy boldy. Qazaqstan Respublikasynyŋ Täjıkstandaǧy, Özbekstandaǧy jäne Ukrainadaǧy Tötenşe jäne Ökılettı Elşısı qyzmetın de atqarǧan. Ol Oral qalasynyŋ qūrmettı azamaty boldy. Näjımeden Yqsanūly Batys Qazaqstan oblysynyŋ eks-äkımı Ǧali Esqalievtıŋ äkesı. Sondai-aq, ol 1991 jyly Oral oqiǧasy kezınde oblystaǧy partiia komitetınıŋ bırınşı hatşysy retınde belgılı. Eske sala keteiık, 1990 jyly qaraşa aiy ışınde qala şırkeuınde kazaktardyŋ äskeri rämızderın ūlyqtau şarasy öttı. 1990 jyly 30 qaraşada Krasnodar qalasynda kazak atamandar odaǧynyŋ bırınşı keŋeitılgen Keŋesı ötıp, onda «Resei kazaktarynyŋ Deklarasiiasy» qabyldandy. Qazaqstan jerındegı Ertıs, Jetısu, Jaiyq kazaktary mäselesı Resei kazaktarynyŋ qūramdas bölıgı retınde osy qūjatqa kırdı. Keiınnen el jadynda būl jaǧdailar "Oral oqiǧasy" dep atalyp kettı.