قوستانايداعى اۋلالاردىڭ بىرىندە سالىنىپ جاتقان 19 قاباتتى جاڭا ءۇيدىڭ قۇرىلىسى كەيىنگە شەگەرىلدى، دەپ حابارلايدى «ادىرنا» ۇلتتىق پورتالى «ناشا گازەتا» سايتىنا سىلتەمە جاساپ.
بەينەجازبادا قوستاناي وبلىسى اكىمىنىڭ ورىنباسارى ەرلان سپانوۆ، قوستاناي قالاسى اكىمىنىڭ مىندەتىن اتقارۋشى المات يسماعۇلوۆ، «NurComBuilding» جشس ديرەكتورى يۆان مارار مەن ءوز اۋلاسىندا تۇرعىن ءۇي كەشەنىنىڭ سالىنۋىنا قارسىلىق بىلدىرگەن ءۇي تۇرعىندارىنىڭ كەزدەسۋى تۇسىرىلگەن.
قۇرىلىس كومپانياسىنىڭ باسشىسى «ەلەنا ي د» كومپانياسىنا تيەسىلى جەردە 19 قاباتتى عيمارات تا، باسقا دا تۇرعىن ءۇي سالمايتىنىن حابارلادى. قالا اكىمدىگى تۇرعىندارعا قۇرىلىس سالۋشى كومپانيامەن بىرلەسىپ وسى ۋچاسكەنىڭ بولاشاق تاعدىرى بويىنشا باسقا دا ۇسىنىستاردى قاراستىراتىنىن حابارلادى. نازارباەۆ كوشەسىندەگى №137/1 ءۇيدىڭ تۇرعىندارى وسى جەرگە مەملەكەتتىك ءتىلدى دامىتۋ ورتالىعى نەمەسە سپورت زالىن سالۋ تۋرالى ۇسىنىستارىن ءبىلدىردى.
بۇعان دەيىن قوستاناي قالاسىنىڭ اكىمى مارات جۇندىباەۆ قۇرىلىس كرانى قۇلاعان جەرگە جاقىن ماڭداعى ۇيلەردىڭ تۇرعىندارىمەن كەزدەسۋىندە وسى اۋدان مەن جەر ۋچاسكەسىندە سالىنىپ جاتقان قۇرىلىستى ەسكەرە وتىرىپ، قالا اكىمدىگىنىڭ 19 قاباتتى تۇرعىن ءۇيدىڭ قۇرىلىسىن قولدامايتىنىن ايتقان بولاتىن.
ەسكە سالا كەتەيىك، قوستانايدا كوپقاباتتى ءۇيدىڭ قۇرىلىس الاڭىندا كران وپىرىلىپ قۇلاپ، سالدارىنان 49 جاستاعى كران جۇرگىزۋشىسى وقيعا ورنىندا كوز جۇمدى. قايعىلى وقيعا 30 قاراشا كۇنى ساعات 12:50-دە شاياحمەتوۆ كوشەسىندە بولعان.
«ادىرنا» ۇلتتىق پورتالى
