Qostanaıdaǵy aýlalardyń birinde salynyp jatqan 19 qabatty jańa úıdiń qurylysy keıinge shegerildi, dep habarlaıdy «Adyrna» ulttyq portaly «Nasha gazeta» saıtyna silteme jasap.
Beınejazbada Qostanaı oblysy ákiminiń orynbasary Erlan Spanov, Qostanaı qalasy ákiminiń mindetin atqarýshy Almat Ismaǵulov, «NurComBuilding» JShS dırektory Ivan Marar men óz aýlasynda turǵyn úı kesheniniń salynýyna qarsylyq bildirgen úı turǵyndarynyń kezdesýi túsirilgen.
Qurylys kompanııasynyń basshysy «Elena ı D» kompanııasyna tıesili jerde 19 qabatty ǵımarat ta, basqa da turǵyn úı salmaıtynyn habarlady. Qala ákimdigi turǵyndarǵa qurylys salýshy kompanııamen birlesip osy ýchaskeniń bolashaq taǵdyry boıynsha basqa da usynystardy qarastyratynyn habarlady. Nazarbaev kóshesindegi №137/1 úıdiń turǵyndary osy jerge memlekettik tildi damytý ortalyǵy nemese sport zalyn salý týraly usynystaryn bildirdi.
Buǵan deıin Qostanaı qalasynyń ákimi Marat Júndibaev qurylys krany qulaǵan jerge jaqyn mańdaǵy úılerdiń turǵyndarymen kezdesýinde osy aýdan men jer ýchaskesinde salynyp jatqan qurylysty eskere otyryp, qala ákimdiginiń 19 qabatty turǵyn úıdiń qurylysyn qoldamaıtynyn aıtqan bolatyn.
Eske sala keteıik, Qostanaıda kópqabatty úıdiń qurylys alańynda kran opyrylyp qulap, saldarynan 49 jastaǵy kran júrgizýshisi oqıǵa ornynda kóz jumdy. Qaıǵyly oqıǵa 30 qarasha kúni saǵat 12:50-de Shaıahmetov kóshesinde bolǵan.
«Adyrna» ulttyq portaly
