Astanada Qazaqstannyŋ otandyq IT-brendınıŋ missiiasyn taǧy da rastaǧan halyqaralyq «Robotek Grand Tournament» chempionaty aiaqtaldy.
Biyl chempionat alǧaş ret halyqaralyq deŋgeige şyqty, Astanaǧa Özbekstan, Täjıkstan, Qyrǧyzstannan üzdık komandalar ūşyp keldı. RGT-2024 alaŋynda sonymen qatar elımızdıŋ barlyq aimaǧynan kelgen oblystyq turnirlerdıŋ jeŋımpazdary bas qosty.
Bırınşı chempionattan bastap «Robotek Grand Tournament» älemdık standarttardyŋ bıregei platformasy retınde «Daryn» respublikalyq ǧylymi-praktikalyq ortalyǧy jäne «Astana daryny» daryndy balalar men jastardy anyqtau jäne qoldau ortalyǧymen bırlesıp qūryldy.
Bedeldı saiysta Jetısu öŋırı oquşylary joǧary nätije körsettı. «Sūryptauşy robot» sanatynda Eskendır Myrzaǧali men Abdulaziz Abibulla, «Mergen» sanatynda Däuren Örkenūly men Baqdaulet Aiazbaiūly, «Robotek» sanatynda Nail Saduakasov men Amir Myrzaǧali komandalary top jardy. Sonymen qatar «Üzdık auyldyq komanda» bolyp Aqsu audanynan Bekjan Mūhtarbek men Roman Proniakov komandasy tanyldy. Basty Kubok – «El kubogyn» – Batys Qazaqstan oblysynyŋ qūramasy Oralǧa alyp kettı.
Elımızde mektep robototehnikasyn damytuǧa jäne «Robotek Grand Tournament» ötkızuge qoldau körsettı: chempionattyŋ platina demeuşısı – Allur avtomobil kompaniiasy, altyn demeuşısı – «Sana Sport» otbasylyq-sporttyq ortalyǧy.
Kelesı jyly RGT alaŋynda Amerika Qūrama Ştattary, Qytai, Türkiia, Äzırbaijan, Oŋtüstık Koreia, Japoniia, Taivan jäne basqa da elderdıŋ jas robototehnikterı kezdesuge niettı.
