الماتى قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنىڭ قىزمەتكەرلەرى الەۋمەتتىك ماڭىزى بار ازىق-تۇلىك تاۋارلارىن ساتۋ كەزىندە باعانىڭ نەگىزسىز ءوسۋى، ۇستەمەاقىنىڭ 15% ساقتالۋى جانە ءتيىمسىز دەلدالداردى الىپ تاستاۋ ماسەلەسى بويىنشا كەڭەس وتكىزدى.
اتالعان كەڭەسكە المالى اۋدانى پروكۋراتۋراسىنىڭ، الماتى قالاسى كاسىپكەرلىك جانە ينۆەستيتسيالار باسقارماسىنىڭ، المالى اۋدانى بويىنشا مەملەكەتتىك كىرىستەر باسقارماسىنىڭ، قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتىنىڭ، سونداي-اق ىشكى ساۋدا سۋبەكتىلەرىنىڭ وكىلدەرى قاتىستى.
كەڭەس بارىسىندا قاتىسۋشىلارعا «ساۋدا قىزمەتىن رەتتەۋ تۋرالى» قازاقستان رەسپۋبليكاسى زاڭىنىڭ 9-بابىنا سايكەس ىشكى ساۋدا سۋبەكتىسى الەۋمەتتىك ماڭىزى بار ازىق-تۇلىك تاۋارىنا ءوندىرۋشىنىڭ ساتۋ باعاسىنىڭ نەمەسە كوتەرمە جەتكىزۋشىنىڭ ساتىپ الۋ باعاسىنىڭ ون بەس پايىزىنان اسپايتىن شەكتى ساۋدا ۇستەمەسىنىڭ مولشەرىن بەلگىلەيتىنى تۋرالى اقپارات جەتكىزىلدى.
بۇدان باسقا، كاسىپكەرلەرگە ساۋدا ۇستەمەسىن ءوندىرۋشىنىڭ ساتۋ باعاسىنىڭ نەمەسە كوتەرمە جەتكىزۋشىنىڭ ساتىپ الۋ باعاسىنىڭ ون بەس پايىزىنان اسقانى ءۇشىن جاۋاپكەرشىلىك تۋرالى جانە بۇزۋشىلىقتار انىقتالعان جاعدايدا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 204-4 بابىنا سايكەس شارالار قابىلداناتىنى تۋرالى حاباردار ەتىلدى. وعان سايكەس، ىشكى ساۋدا سۋبەكتىسىنىڭ ساۋدا ۇستەمەسىن ءبىرىنشى رەت 15% - دان اسىرعانى ءۇشىن ەسكەرتۋ جاساۋعا، ال قايتالاپ بۇزعانى ءۇشىن-10-نان 300 اەك-كە دەيىنگى مولشەردە ايىپپۇل سالۋعا اكەپ سوعادى.
سونداي-اق، «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 193-بابىنىڭ 4-تارماعىنا سايكەس، قازاقستان رەسپۋبليكاسىنىڭ اۋماعىندا باعالار جاپسىرماسىمەن رەسىمدەلگەن، ساۋدا وبەكتىسىنىڭ ىشكى نەمەسە سىرتقى ۆيترينالارىندا قويىلعان تاۋاردى باعاسىن تەڭگەمەن كورسەتپەي وتكىزۋ نەمەسەقازاقستان رەسپۋبليكاسىنىڭ اۋماعىندا قۇنى باعالار جاپسىرماسىمەن رەسىمدەلگەن باعادان اساتىن، ساۋدا وبەكتىسىنىڭ ىشكى نەمەسە سىرتقى ۆيترينالارىندا قويىلعان تاۋاردى وتكىزۋ نەمەسەقازاقستان رەسپۋبليكاسىنىڭ اۋماعىندا جاريا شارت تالاپتارى بويىنشا تاۋاردى وتكىزگەن كەزدە ونىڭ باعاسىن تەڭگەمەن كورسەتپەۋ – شاعىن كاسىپكەرلىك سۋبەكتىلەرىنە – التى، ورتا كاسىپكەرلىك سۋبەكتىلەرىنە – ون، ءىرى كاسىپكەرلىك سۋبەكتىلەرىنە وتىز ايلىق ەسەپتىك كورسەتكىش مولشەرىندە ايىپپۇل سالۋعا الىپ كەلەتىنى تۋرالى اقپارات جەتكىزىلدى.
كەڭەس سوڭىندا كاسىپكەرلەر وزدەرىنىڭسۇراقتارىن قويىپ، ولارعا تولىق جاۋاپتار بەرىلدى.
الماتى قالالىق تۇتىنۋشىلاردىڭ قۇقىعىن قورعاۋ دەپارتامەنتى كەڭەس وتكىزدى
07.12.2023
1123
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз