Almaty qalasy boıynsha saýda jáne tutynýshylardyń quqyqtaryn qorǵaý Departamentiniń qyzmetkerleri áleýmettik mańyzy bar azyq-túlik taýarlaryn satý kezinde baǵanyń negizsiz ósýi, ústemeaqynyń 15% saqtalýy jáne tıimsiz deldaldardy alyp tastaý máselesi boıynsha keńes ótkizdi.
Atalǵan keńeske Almaly aýdany prokýratýrasynyń, Almaty qalasy Kásipkerlik jáne ınvestıııalar basqarmasynyń, Almaly aýdany boıynsha Memlekettik kirister basqarmasynyń, Qazaqstan Respýblıkasy Básekelestikti qorǵaý jáne damytý agenttiginiń Almaty qalasy boıynsha departamentiniń, sondaı-aq ishki saýda sýbektileriniń ókilderi qatysty.
Keńes barysynda qatysýshylarǵa «Saýda qyzmetin retteý týraly» Qazaqstan Respýblıkasy Zańynyń 9-babyna sáıkes ishki saýda sýbektisi áleýmettik mańyzy bar azyq-túlik taýaryna óndirýshiniń satý baǵasynyń nemese kóterme jetkizýshiniń satyp alý baǵasynyń on bes paıyzynan aspaıtyn shekti saýda ústemesiniń mólsherin belgileıtini týraly aqparat jetkizildi.
Budan basqa, kásipkerlerge saýda ústemesin óndirýshiniń satý baǵasynyń nemese kóterme jetkizýshiniń satyp alý baǵasynyń on bes paıyzynan asqany úshin jaýapkershilik týraly jáne buzýshylyqtar anyqtalǵan jaǵdaıda Qazaqstan Respýblıkasynyń Ákimshilik quqyq buzýshylyq týraly Kodeksiniń 204-4 babyna sáıkes sharalar qabyldanatyny týraly habardar etildi. Oǵan sáıkes, ishki saýda sýbektisiniń saýda ústemesin birinshi ret 15% - dan asyrǵany úshin eskertý jasaýǵa, al qaıtalap buzǵany úshin-10-nan 300 AEK-ke deıingi mólsherde aıyppul salýǵa ákep soǵady.
Sondaı-aq, «Ákimshilik quqyq buzýshylyq týraly» Qazaqstan Respýblıkasy Kodeksiniń 193-babynyń 4-tarmaǵyna sáıkes, Qazaqstan Respýblıkasynyń aýmaǵynda baǵalar japsyrmasymen resimdelgen, saýda obektisiniń ishki nemese syrtqy vıtrınalarynda qoıylǵan taýardy baǵasyn teńgemen kórsetpeı ótkizý nemeseQazaqstan Respýblıkasynyń aýmaǵynda quny baǵalar japsyrmasymen resimdelgen baǵadan asatyn, saýda obektisiniń ishki nemese syrtqy vıtrınalarynda qoıylǵan taýardy ótkizý nemeseQazaqstan Respýblıkasynyń aýmaǵynda jarııa shart talaptary boıynsha taýardy ótkizgen kezde onyń baǵasyn teńgemen kórsetpeý – shaǵyn kásipkerlik sýbektilerine – alty, orta kásipkerlik sýbektilerine – on, iri kásipkerlik sýbektilerine otyz aılyq eseptik kórsetkish mólsherinde aıyppul salýǵa alyp keletini týraly aqparat jetkizildi.
Keńes sońynda kásipkerler ózderinińsuraqtaryn qoıyp, olarǵa tolyq jaýaptar berildi.
Almaty qalalyq tutynýshylardyń quqyǵyn qorǵaý departamenti keńes ótkizdi
07.12.2023
1124
Pikirler
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз