«ارسەلورميتتال تەمىرتاۋ» اق-نىڭ اتاۋى رەسمي تۇردە QARMET بولىپ وزگەردى. بۇل تۋرالى قاراعاندى وبلىسى اكىمىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
ايماق باسشىسى ەرماعانبەت بولەكپاەۆ تەمىرتاۋدا كومپانيا ۇجىمىمەن كەزدەسۋدە Qazaqstan Steel Group اكتسيونەرى اندرەي لاۆرەنتەۆتى تانىستىردى.
«ارينە، جاڭا باسشىنىڭ الدىندا ماڭىزدى مىندەتتەر تۇر. ءبىرىنشى كەزەكتە ەڭبەك قاۋىپسىزدىگىن قامتاماسىز ەتۋ جانە قىزمەتكەرلەرگە جاعداي جاساپ، ءال-اۋقاتىن ارتتىرۋ قاجەت. سونداي-اق الەۋمەتتىك جوبالار ارقىلى جەرگىلىكتى قوعامداستىقتى دامىتۋعا بەلسەندى قاتىسىپ، كومەك كورسەتۋ كەرەك»،— دەدى ەرماعانبەت بولەكپاەۆ.
كەزدەسۋدە اندرەي لاۆرەنتەۆ ۆاديم ءباسيندى QARMET كومپانياسىنىڭ باس ديرەكتورى رەتىندە تانىستىردى.
ەستەرىڭىزگە سالا كەتەيىك، بۇعان دەيىن ونەركاسىپ جانە قۇرىلىس ءمينيسترى قانات شارلاپاەۆ كاسىپورىندى اندرەي لاۆرەنتەۆ ساتىپ العانىن جاريالاعان بولاتىن.
