باستى بەت
الماتى وبلىسى
الماتى وبلىسى – ۇلكەن مۇمكىندىكتەر ولكەسى

الماتى وبلىسى – ۇلكەن مۇمكىندىكتەر ولكەسى

11.12.2023

1132

الماتى وبلىسىنىڭ ەكونوميكانىڭ بارلىق سالالارىندا جوبالاردى جۇزەگە اسىرۋ جانە دامىتۋ ءۇشىن ۇلكەن الەۋەتى بار. «ALATAU INVEST» حالىقارالىق بيزنەس فورۋمىندا الماتى وبلىسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى قۋانىش باقىتۇلى ءوڭىردىڭ دامۋ بولاشاعى مەن قولايلى ينفراقۇرىلىمىن جان-جاقتى بايانداپ، ونىڭ مۇمكىندىكتەرىنە توقتالدى.
«الماتى وبلىسى ەكونوميكانىڭ ءتۇرلى سالالارىندا جەتەكشى ورىندارعا يە. مىسالى، وڭدەۋ ونەركاسىبى ءوندىرىستىڭ 90%-دان استامىن قۇرايدى، بۇل رەسپۋبليكالىق كورسەتكىشتەن جوعارى. قاعاز ونەركاسىبىندە ءبىز رەسپۋبليكا بويىنشا ءونىمنىڭ 73 پايىزىن وندىرەمىز. فارماتسەۆتيكا سالاسى دا دامىپ كەلەدى، مۇندا وندىرىلەتىن دارىلەردىڭ تورتتەن ءبىرى 22 كاسىپورىندا وندىرىلەدى. ەلدەگى بىلعارى جانە تىگىن بۇيىمدارىنىڭ 40%-ىن قۇرايتىن جەڭىل ونەركاسىپ نەگىزگى ورىنداردىڭ ءبىرىن الادى. جاڭارتىلاتىن ەنەرگيا كوزدەرىن دامىتۋ ماسەلەلەرى بويىنشا وبلىس جاقسى ناتيجە كورسەتىپ وتىر، اقپارات ءۇشىن 2022 جىلى ولار رەسپۋبليكادا ەكىنشى ورىندى يەلەندى، جاڭارتىلاتىن ەنەرگيا كوزدەرىنىڭ جالپى قۋاتى 419,2 مۆت قۇرادى، ونىڭ ىشىندە 11 جەل ەلەكتر ستانتسياسى، 6 سۋ ەلەكتر ستانتسياسى جانە 6 كۇن ەلەكتر ستانتسياسى. ءتۋريزمدى دامىتۋ بويىنشا دا بەلسەندى جۇمىستار جۇرگىزىلۋدە، قازىرگى تاڭدا وبلىستا ۇلتتىق تابيعي ساياباقتار مەن تەرمالدى سۋ كوزدەرى قوسا 10 تۋريستىك نىسان بار»، - دەدى قۋانىش باقىتۇلى.
ءسوز بارىسىندا الماتى وبلىسىنىڭ ءاربىر اۋدانىندا جوبالاردى جۇزەگە اسىرۋعا قولايلى جاعداي جاساۋعا ىقپال ەتەتىن بىرەگەي ارتىقشىلىقتار بار ەكەنى باسا ايتىلدى. سونداي-اق وڭىردە ەكونوميكالىق دامۋدى قامتاماسىز ەتۋ ءۇشىن بەلسەندى مەملەكەتتىك قولداۋ شارالارى جۇرگىزىلىپ جاتقانى ايتىلدى.
«ءبىز ينۆەستورلاردى وبلىسىمىزدىڭ ءارتۇرلى اۋداندارىندا جوبالاردى جۇزەگە اسىرۋعا شاقىرامىز جانە جان-جاقتى كومەك كورسەتۋگە دايىنبىز. مىسالى، بارلىق اەا قاتىسۋشىلارىنا سالىقتىق جەڭىلدىكتەر مەن پرەفەرەنتسيالار بەرىلەدى. ينۆەستورلاردى قولداۋ ءۇشىن ءبىز سالىق جانە كەدەندىك تولەمدەردەن بوساتۋ بولىگىندە قاجەتتى قولداۋ كورسەتۋگە دايىنبىز، ال ينۆەستيتسيالىق كەلىسىمشارتتار جاسالعان جاعدايدا ولار يمپورتتا كەدەندىك باج سالىعى مەن ققس تولەۋدەن بوساتۋدى الا الادى. سونداي-اق ينفراقۇرىلىممەن قامتاماسىز ەتۋ، جەر تەلىمدەرىن ءبولۋ، قۇجاتتامانى دايىنداۋ جانە ازىرلەۋ، سۋبسيديالار مەن مەملەكەتتىك گرانتتار ءبولۋ ارقىلى مەملەكەتتىك قولداۋ شارالارى بار»، – دەپ حابارلادى قۋانىش باقىتۇلى.
ءسوز سوڭىندا ول بۇگىنگى كۇننىڭ باستى ماقساتى – ەكونوميكالىق ءوسىم مەن ءوڭىردىڭ تۇراقتى دامۋىنا ىقپال ەتەتىن قولايلى ينۆەستيتسيالىق ورتانى قۇرۋعا ىقپال ەتۋ ەكەنىن باسا ايتتى. ول سونداي-اق وبلىس باسشىلىعىنىڭ الماتى وبلىسىنىڭ دامۋىنا كۇش-جىگەرى مەن قاراجاتىن سالعىسى كەلەتىن كاسىپكەرلەردى قولداۋعا جانە ولارمەن بىرلەسىپ جۇمىس ىستەۋگە دايىن ەكەنىن اتاپ ءوتتى.

Facebook - парақшамызға жазылыңыз!