ۇكىمەت قاۋلىسىمەن قازاقستانداعى ەكى مادەني مەكەمەگە «اكادەميالىق» مارتەبە بەرىلدى. بۇل تۋرالى مادەنيەت جانە اقپارات ءمينيسترى ايدا بالاەۆا الەۋمەتتىك جەلىدەگى پاراقشاسىندا جاريالادى، دەپ حابارلايدى “ادىرنا” ۇلتتىق پورتالى.
«قازاقستان رەسپۋبليكاسى ۇكىمەتىنىڭ قاۋلىسىمەن مادەنيەت جانە اقپارات مينيسترلىگىنىڭ «جامبىل اتىنداعى قازاق مەملەكەتتىك فيلارمونياسى» جانە «روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمى» رەسپۋبليكالىق مەملەكەتتىك قازىنالىق كاسىپورىندارىنا «اكادەميالىق» مارتەبە بەرىلدى»، دەپ جازىلعان ءمينيستردىڭ مالىمەتىندە.
