بۇگىن — قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى ءازىلحان نۇرشايىقوۆتىڭ تۋعان كۇنى.
دارا تۇلعا شىعىس قازاقستان وبلىسى، جارما اۋدانى، كەلىنسۇيەگى دەگەن جەردە 1922 جىلدىڭ 15 جەلتوقسانىندا دۇنيەگە كەلگەن.
الماتى قالاسىنداعى تاۋ-كەڭ ينستيتۋتىندا، سەمەيدەگى قازاق پەداگوگيكالىق ۋچيليششەسىندە، الماتىداعى س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىندە وقىعان. 1941 – 1945 جىلدارى — ۇلى وتان سوعىسىنا قاتىستى.
1953–1979 جىلدارى — “قازاقستان پيونەرى” (قازىرگى “ۇلان”) گازەتى، “سوتسياليستىك قازاقستان” (قازىرگى “ەگەمەن قازاقستان”) گازەتى، پاۆلودار وبلىسى “قىزىل تۋ” گازەتى، رەسپۋبليكالىق “قازاق ادەبيەتى” گازەتى، قازاق سوۆەت ەنتسيكلوپەدياسى، قازاقستان عىلىم اكادەمياسى ادەبيەت جانە ونەر ينستيتۋتىندا قىزمەت اتقارعان.
قالامگەردىڭ قالامىنان تۋعان «ماحاببات جىرى»، «توعىز تولعاۋ»، «اۆتوپورترەت»، «ماحاببات، قىزىق مول جىلدار»، «اقيقات پەن اڭىز»، «ەكى ەستەلىك»، «جامبىلعا حات»، «مەنىڭ زامانداستارىم»، «قالامگەر جانە ونىڭ دوستارى»، «ماڭگىلىك ماحاببات جىرى» سياقتى كىتاپتارى وقىرمان قاۋىم مەن سىنشىلاردان جوعارى باعاسىن العان.
