Búgin — Qazaqstannyń halyq jazýshysy, Memlekettik syılyqtyń laýreaty Ázilhan Nurshaıyqovtyń týǵan kúni.
Dara tulǵa Shyǵys Qazaqstan oblysy, Jarma aýdany, Kelinsúıegi degen jerde 1922 jyldyń 15 jeltoqsanynda dúnıege kelgen.
Almaty qalasyndaǵy Taý-keń ınstıtýtynda, Semeıdegi qazaq pedagogıkalyq ýchılıesinde, Almatydaǵy S.M. Kırov atyndaǵy Qazaq memlekettik ýnıversıtetiniń fılologııa fakýltetinde oqyǵan. 1941 – 1945 jyldary — Uly Otan soǵysyna qatysty.
1953–1979 jyldary — “Qazaqstan pıoneri” (qazirgi “Ulan”) gazeti, “Soıalıstik Qazaqstan” (qazirgi “Egemen Qazaqstan”) gazeti, Pavlodar oblysy “Qyzyl tý” gazeti, respýblıkalyq “Qazaq ádebıeti” gazeti, Qazaq Sovet enıklopedııasy, Qazaqstan Ǵylym Akademııasy Ádebıet jáne óner ınstıtýtynda qyzmet atqarǵan.
Qalamgerdiń qalamynan týǵan «Mahabbat jyry», «Toǵyz tolǵaý», «Avtoportret», «Mahabbat, qyzyq mol jyldar», «Aqıqat pen ańyz», «Eki estelik», «Jambylǵa hat», «Meniń zamandastarym», «Qalamger jáne onyń dostary», «Máńgilik mahabbat jyry» sııaqty kitaptary oqyrman qaýym men synshylardan joǵary baǵasyn alǵan.
