InDrive حالىقارالىق كومپانياسىنىڭ باسشىسى ارسەن تومسكي قازاقستانداعى تابىسىنىڭ جارتىسىن قالاي تالاپ ەتكەنى تۋرالى ايتىپ بەردى، دەپ حابارلايدى «ادىرنا» ۇلتتىق پورتالى Ulysmedia سايتىنا سىلتەمە جاساپ.
بۇل تۋرالى كاسىپكەر YouTube-تەگى «nFactorial Podcast» ارناسىنا بەرگەن سۇحباتىندا ايتتى.
«ءبىز جەتەكشى تاكسي كومپانياسى بولعاننان كەيىن بىزگە بەدەلدى ادامدار كەلىپ: «ەگەر قازاقستاندا جۇمىس ىستەگىڭىز كەلسە، تابىسىڭىزدىڭ 50 پايىزىن بىزگە بەرۋىڭىز كەرەك» دەدى. ءبىز ەشقاشان پارا بەرمەيمىز. ياكۋتياداعى تاۋەلسىز باق 20 جىل بويى جەمقورلىقپەن كۇرەسىپ كەلەدى. تيىسىنشە، ولارعا: «ءبىز تابىستىڭ 50 پايىزىن ايتپاعاندا، 15, ءتىپتى 5 پايىزىن دا بەرمەيمىز»، - دەدى تومسكي.
ونىڭ ايتۋىنشا، وسى اڭگىمەدەن كەيىن ءبىراز ۋاقىتتان كەيىن كومپانيا قارا تىزىمگە ەنگەن.
«ءبىز ءبىر كۇندە بارىنەن ايىرىلدىق. الايدا، بۇل جاعداي ءبىزدى تەك كۇشەيتتى. ءبىز IP مەكەنجايىن وزگەرتتىك، ازاماتتاردى VPN قىزمەتىن پايدالانۋعا ۇيرەتە باستادىق. ۇكىمەت دەڭگەيىندە ءبىز استانانىڭ قاي جەرىندە بۇعاتتالعانىن بىلدىك. وعان قوسا، سوتقا، مونوپولياعا قارسى كوميتەتكە باردىق. وسىلايشا، ەكى ايدان كەيىن بۇعاتتاۋ كورسەتكىشى تومەندەي باستادى. ءبىزدىڭ جاقتان ەشكىم كەلىپ: «50 پايىز ەمەس، تىم بولماسا 25 پايىز بەرەيىك» دەگەن جوق. مەنىڭ ويىمشا، ولار بۇل تەكەتىرەستەن شارشادى»، - دەدى ول.
ەسكە سالا كەتەيىك، جەلتوقسان ايىنىڭ باسىندا inDrive نەگىزىن قالاۋشى ارسەن تومسكيدىڭ قازاقستان ازاماتتىعىن العانى بەلگىلى بولدى.
«ادىرنا» ۇلتتىق پورتالى
