وسكەمەن قالاسىنىڭ تەرگەۋ سوتى «نەمولچيKZ» قورىنىڭ پرەزيدەنتى دينا سمايلوۆانى ء(تاڭسارى) قاماۋعا الۋ تۋرالى ۇكىم شىعاردى. بۇل تۋرالى شىعىس قازاقستان وبلىسىنىڭ پروكۋراتۋراسى ايتتى، دەپ حابارلايدى «ادىرنا» ءتىلشىسى.
16 قازاندا وسكەمەن پوليتسيا باسقارماسى قۇقىق قورعاۋشىعا قاتىستى الاياقتىق فاكتىسى بويىنشا سوتقا دەيىنگى تەرگەۋدى باستاعان بولاتىن.
«2023 جىلدىڭ 28 جەلتوقسانىندا وسكەمەن قالاسىنىڭ مامانداندىرىلعان تەرگەۋ سوتى د.ب.سمايلوۆاعا قاتىستى ونى ۇستاعان ساتتەن باستاپ 2 اي مەرزىمگە "قاماۋدا ۇستاۋ" تۇرىندەگى بۇلتارتپاۋ شاراسىنا سانكتسيا بەردى»،—دەلىنگەن ۆەدومستۆونىڭ ءباسپاسوز قىزمەتىنىڭ حابارلاماسىندا.
دينا ءتاڭسارىنىڭ ادۆوكاتى گۇلنارا جۋاسپاەۆا شەشىمگە شاعىم تۇسىرەتىنىن ايتتى.
ايتا كەتەيىك، بۇعان دەيىن دينا تاڭسارىگە التى قىلمىستىق ءىس قوزعالىپ، ونىڭ ەكەۋى "الاياقتىق" بابى بويىنشا تەرگەلىپ جاتقانى بەلگىلى بولعان ەدى.
