2023 جىلدىڭ 10 ايدىڭ قورىتىندىسى بويىنشا قايرات ساتىبالدى مەملەكەتكە 650 ميلليارد تەڭگەنىڭ مۇلكىن قايتاردى. بۇل تۋرالى سىبايلاس جەمقورلىققا قارسى قىزمەتتىڭ رەسمي وكىلى ارمان تىلەۋكەنوۆ ايتتى، دەپ حابارلايدى “ادىنا” ۇلتتىق پورتالى.
ۆەدومستۆو وكىلىنىڭ ايتۋىنشا، قازىر ساتىبالدادان تاركىلەنگەن مۇلىكتىڭ بارلىعى مەملەكەت مەنشىگىنە وتكەن. ولاردىڭ جالپى قۇنى 850 ميلليارد تەڭگەدەن اسادى.
"قايرات ساتىبالدى بويىنشا ەلدەن زاڭسىز شىعارىلعان 650 ملرد تەڭگە (1,4 ملرد دوللار) مەملەكەتكە قايتارىلدى. ونىڭ ىشىندە ارتۇرلى مۇلىك بار", – دەدى ارمان تىلەۋكەنوۆ بريفينگ بارىسىندا.
جالپى، سىبايلاس جەمقورلىققا قارسى قىزمەت بارلىق قىلمىستىق ىستەردى تەرگەۋ اياسىندا سوڭعى ەكى جىلدا مەملەكەتكە 912 ميلليارد تەڭگە قايتارعان.
سونىمەن قاتار، سىبايلاس جەمقورلىققا قارسى قىزمەت قايرات ساتىبالدىعا قاتىستى سوتقا دەيىنگى تاعى ءبىر تەرگەۋدى اياقتادى. سونداي-اق ونىڭ ۇستىنەن سالىق تولەۋدەن جالتارۋ فاكتىسى بويىنشا تەرگەۋ ءجۇرىپ جاتىر. بۇل جونىندە دە ۆەدومستۆونىڭ رەسمي وكىلى ارمان تىلەۋكەنوۆ مالىمدەدى.
ء“يا، بۇل فاكت بويىنشا سۇراقتار كەلىپ تۇسۋدە. قايرات ساتىبالدىۇلىنا بايلانىستى اگەنتتىك قىلمىستىق جولمەن الىنعان اكتيۆتەردى جىلىستاتۋ فاكتىسى بويىنشا قىلمىستىق كودەكستىڭ 218-بابى 3-بولىگى بويىنشا سوتقا دەيىنگى اياقتاپ، سوتقا جىبەردى. ساتىبالدىۇلىنىڭ قىلمىستىق جولمەن الىنعان قاراجاتقا جانە زاڭسىز اقشادان تۇسكەن پايداعا ءتۇرلى مۇلىكتى (ونىڭ ىشىندە شەتەلدە ساتىپ العان), ونىڭ ىشىندە شەتەلدەن الىپ، اقشاسىن قازاقستان جانە شەتەلدەگى بانك شوتتارىنا سالعان", -دەپ مالىمدەدى ارمان تىلەۋكەنوۆ.
ۆەدومستۆو وكىلى، ساتىبالدىعا قاتىستى سالىق تولەۋدەن جالتارۋ ەپيزودى بويىنشا تاعى ءبىر تەرگەۋ ءجۇرىپ جاتقانىن ايتتى.
