2023 jyldyń 10 aıdyń qorytyndysy boıynsha Qaırat Satybaldy memleketke 650 mıllıard teńgeniń múlkin qaıtardy. Bul týraly sybaılas jemqorlyqqa qarsy qyzmettyń resmı ókili Arman Tileýkenov aıtty, dep habarlaıdy “Adyna” ulttyq portaly.
Vedomstvo ókiliniń aıtýynsha, qazir Satybaldadan tárkilengen múliktiń barlyǵy memleket menshigine ótken. Olardyń jalpy quny 850 mıllıard teńgeden asady.
"Qaırat Satybaldy boıynsha elden zańsyz shyǵarylǵan 650 mlrd teńge (1,4 mlrd dollar) memleketke qaıtaryldy. Onyń ishinde ártúrli múlik bar", – dedi Arman Tileýkenov brıfıng barysynda.
Jalpy, sybaılas jemqorlyqqa qarsy qyzmet barlyq qylmystyq isterdi tergeý aıasynda sońǵy eki jylda memleketke 912 mıllıard teńge qaıtarǵan.
Sonymen qatar, Sybaılas jemqorlyqqa qarsy qyzmet Qaırat Satybaldyǵa qatysty sotqa deıingi taǵy bir tergeýdi aıaqtady. Sondaı-aq onyń ústinen salyq tóleýden jaltarý faktisi boıynsha tergeý júrip jatyr. Bul jóninde de vedomstvonyń resmı ókili Arman Tileýkenov málimdedi.
“Iá, bul fakt boıynsha suraqtar kelip túsýde. Qaırat Satybaldyulyna baılanysty agenttik qylmystyq jolmen alynǵan aktıvterdi jylystatý faktisi boıynsha qylmystyq kodekstiń 218-baby 3-bóligi boıynsha sotqa deıingi aıaqtap, sotqa jiberdi. Satybaldyulynyń qylmystyq jolmen alynǵan qarajatqa jáne zańsyz aqshadan túsken paıdaǵa túrli múlikti (onyń ishinde shetelde satyp alǵan), onyń ishinde shetelden alyp, aqshasyn Qazaqstan jáne sheteldegi bank shottaryna salǵan", -dep málimdedi Arman Tileýkenov.
Vedomstvo ókili, Satybaldyǵa qatysty salyq tóleýden jaltarý epızody boıynsha taǵy bir tergeý júrip jatqanyn aıtty.
