Ūltaralyq arazdyqty qozdyrdy dep aiyptalǧan Ermek Narymbaevtyŋ jazasy jeŋıldetıldı, - dep habarlaidy "Adyrna" tılşısı Qonaev sotynyŋ baspasöz qyzmetıne sılteme jasap.
Sot Qylmystyq kodekstıŋ 174-babynyŋ 1-bölıgı («Ūltaralyq arazdyqty qozdyru») boiynşa koloniiada jazasyn ötep jatqan sottaluşy Narymbaevtyŋ jazanyŋ ötelmegen bölıgın jazanyŋ neǧūrlym jeŋıl türımen auystyru turaly ötınışın qarady.
Aitularynşa, prokuror sottaluşynyŋ ötınışın qanaǧattandyrudy sūraǧan.
"Merzımınen būryn bosap, 11 aiǧa juyq probasiialyq baqylauda bolatyn boldy. Bız aiyppūl tölep şyǧarudy sūradyq. Bıraq prokuror probasiialyq baqylau qajet ekenın aitty. Sudia prokurormen kelısıp, qataŋ şekteumen şyǧaruǧa kelıstı. Baspasöz maslihaty, miting pen şeru siiaqty qoǧamdyq ısterge qatysuǧa tyiym saldy" - dedı advokat Janar Balǧabaeva.
Advokattyŋ sözınşe, prokuratura qarsylyq bıldırmese, 15 täulıkten keiın Ermek Narymbaev türmeden şyǧuǧa tiıs.
Sot ükımımen Ermek Narymbaevqa materialdyq zalal joq ekenı, ol öndırılgen 6 729 teŋge kölemındegı prosessualdyq şyǧyndardy erıktı türde ötegenı atap ötıldı.
«Sottalǧan N.-ǧa qatysty sot şeşımımen bas bostandyǧynan aiyru jazasynyŋ şeşım zaŋdy küşıne engennen keiın 11 ai 8 kün ötken soŋ ötelmegen bölıgı bas bostandyǧyn şekteu türındegı jazanyŋ neǧūrlym jeŋıl türımen auystyryldy. Qauly zaŋdy küşıne engen joq», - dep habarlady Ermek Narmybaevtyŋ ötınışhaty qaralǧan Qonaev sotynyŋ baspasöz qyzmetınen.
Eske salaiyq, 2022 jyldyŋ aqpanynda ūltaralyq arazdyq tudyrǧany üşın sottalǧan Ermek Narymbaev Almaty äuejaiynda ūstalǧan bolatyn. Ony Kievten kelgen soŋ Almaty halyqaralyq äuejaiynda jol polisiiasy qamauǧa aldy. Būǧan deiın ol ızdeude bolǧan.
Narymbaev sot ükımı boiynşa Qazaqstan Respublikasy Qylmystyq kodeksınıŋ 174-baby «Äleumettık, ūlttyq, rulyq, näsıldık, taptyq nemese dıni arazdyqty qozdyru» boiynşa bas bostandyǧynan aiyru jazasyn qoldanumen aiyptalǧan bolatyn.
"Adyrna" ūlttyq portaly
Ūqsas jaŋalyqtar
