Eks-prezıdent Nursultan Nazarbaevtyń nemere inisi, Ulttyq qaýipsizdik komıteti (UQK) tóraǵasynyń burynǵy birinshi orynbasary Samat Ábish Qańtar oqıǵasy boıynsha aıypty dep tanylyp, shartty túrde sottaldy, dep habarlaıdy "Adyrna" ulttyq portaly «Dat» gazetine siltep.
«26 aqpanda Nursultan Nazarbaevtyń nemere inisi, Ulttyq qaýipsizdik komıteti tóraǵasynyń burynǵy birinshi orynbasary Samat Ábish jabyq sottyń sheshimimen segiz jylǵa shartty túrde bas bostandyǵynan aıyryldy», - delingen májilis depýtaty Ermurat Bapıdyń áleýmettik jelidegi paraqshasynda maqaladan jarııalaǵan úzindisinde.
Eske salaıyq, Nazarbaevtyń nemere inisi Samat Ábish Qańtar oqıǵasynan keıin kóp uzamaı Ulttyq qaýipsizdik komıteti tóraǵasynyń birinshi orynbasary qyzmetinen qýyldy.
2023 jyldyń 19 qyrkúıeginde Samat Ábishtiń ústinen Qańtar oqıǵasy kezinde bıligin jáne qyzmettik ókilettigin asyra paıdalanǵany úshin qylmystyq is qozǵalǵany belgili boldy.
2024 jyldyń 15 qańtarynda Ábishtiń isi sotqa jiberilip, 28 aqpanda Bas prokýrordyń orynbasary Áset Shyńdalıev bul is sotta ekenin málimdedi.
