14 قاڭتار كۇنى استانادا جانە قازاقستاننىڭ 15 وبلىسىندا داۋىلدى ەسكەرتۋ جاريالاندى، دەپ حابارلايدى “ادىرنا” ۇلتتىق پورتالى قازگيدرومەتكە سىلتەمە جاساي وتىرىپ.
استانادا قارلى بوران سوعادى. جەلدىڭ ەكپىنى 25 م/س دەيىن جەتەدى. شىمكەنت، تۇركىستان قالالارىندا جەلدىڭ ەكپىنى كەي جەرلەردە 23 م/س جەتەدى. كۇندىز تۇركىستان وبلىسىنىڭ تاۋلى جانە تاۋ بوكتەرىندەگى اۋداندارىندا قاتتى جاۋىن-شاشىن (جاڭبىر، قار) كۇتىلەدى. وبلىستىڭ سولتۇستىگىندە تۇمان ءتۇسىپ، تاۋ اسۋلارىندا قار جاۋادى. جەلدىڭ ەكپىنى 23-28 م/س. تۇندە باتىستا، وڭتۇستىكتە، تاۋلى ايماقتاردا، كۇندىز الماتى وبلىسىنىڭ سولتۇستىگىندە تۇمان، كوكتايعاق كۇتىلەدى. جەلدىڭ ەكپىنى 18-23 م/س. اقمولا وبلىسىنىڭ شىعىسىندا تۇندە قالىڭ قار جاۋىپ، بۇرقاسىن كۇتىلەدى. جەلدىڭ ەكپىنى 23-28 م/س. كوكشەتاۋدا قارلى بوران سوعادى. جەلدىڭ ەكپىنى 23 م/س جەتەدى. جەتىسۋ وبلىسىنىڭ الاكول كولدەرىندە كەي جەرلەردە 30 م/س جەل سوعادى. سولتۇستىك قازاقستان وبلىسىندا تۇندە قار جاۋادى، وبلىستىڭ سولتۇستىگىندە قالىڭ قار جاۋىپ، بۇرقاسىن بولادى. جەلدىڭ ەكپىنى 30 م/س نەمەسە ودان دا كوپ. كۇندىز شىعىس قازاقستان وبلىسىنىڭ سولتۇستىگى مەن شىعىسىندا قالىڭ قار جاۋادى. وبلىستىڭ سولتۇستىگى مەن شىعىسىندا بۇرقاسىن، كوكتايعاق كۇتىلەدى. جەلدىڭ ەكپىنى 23-28 م/س. وسكەمەندە بۇرقاسىن، كوكتايعاق كۇتىلەدى. وڭتۇستىك-شىعىستان جەل سوعادى، ەكپىنى 15-20 م/س. اباي اۋدانىنىڭ باتىسىندا، سولتۇستىگىندە جانە ورتالىعىندا بۇرقاسىن، كوكتايعاق كۇتىلەدى. جەلدىڭ ەكپىنى 23-28 م/س. سەمەيدە بۇرقاسىن، كوكتايعاق كۇتىلەدى. جەلدىڭ ەكپىنى 15-20 م/س جەتەدى. قىزىلوردا وبلىسىندا تۇندە جاۋىن-شاشىن (كوبىنەسە قار), وبلىستىڭ سولتۇستىگىندە بۇرقاسىن، كوكتايعاق كۇتىلەدى. اۋدان ورتالىعىندا تۇمان. جەلدىڭ ەكپىنى 15-20 م/س جەتەدى. تۇندە تۇمان، كوكتايعاق كۇتىلەدى. قاراعاندى وبلىسىنىڭ باتىسىندا، سولتۇستىگىندە جانە شىعىسىندا بۇرقاسىن، كوكتايعاق، وبلىستىڭ وڭتۇستىگىندە تۇمان كۇتىلەدى. جەلدىڭ ەكپىنى 23-28 م/س. قاراعاندىدا بۇرقاسىن، كوكتايعاق كۇتىلەدى. جەلدىڭ ەكپىنى 15-20 م/س جەتەدى. ۇلىتاۋ وڭىرىندە تۇندە بۇرقاسىن، كوكتايعاق كۇتىلەدى. وبلىستىڭ وڭتۇستىگىندە تۇمان كۇتىلەدى. جەلدىڭ ەكپىنى 15-20 م/س جەتەدى. تۇندە جەزقازاعاندا بۇرقاسىن، كوكتايعاق كۇتىلەدى. جەلدىڭ ەكپىنى 15-20 م/س جەتەدى. باتىس قازاقستان وبلىسىنىڭ شىعىسىندا جانە سولتۇستىك-باتىسىندا تۇمان كۇتىلەدى. پەتروپاۆلدا تۇندە قالىڭ قار جاۋىپ، بوران سوعادى. جەلدىڭ ەكپىنى 23 م/س جەتەدى. سولتۇستىك قازاقستان وبلىسىندا تۇندە قار جاۋادى، وبلىستىڭ سولتۇستىگىندە قالىڭ قار جاۋىپ، بۇرقاسىن بولادى. جەلدىڭ ەكپىنى كەيدە 30 م/س نەمەسە ودان دا كوپ. تۇندە قوستاناي وبلىسىنىڭ سولتۇستىگىندە، شىعىسىندا جانە وڭتۇستىگىندە بۇرقاسىن كۇتىلەدى. وبلىستىڭ باتىسى مەن سولتۇستىگىندە تۇمان تۇسەدى. جەلدىڭ ەكپىنى 15-20 م/س جەتەدى. قوستانايدا تۇندە بۇرقاسىن كۇتىلەدى. جەلدىڭ ەكپىنى 15-20 م/س جەتەدى. ماڭعىستاۋ وبلىسىندا كوكتايعاق كۇتىلەدى. وبلىستىڭ سولتۇستىگى مەن شىعىسىندا تۇمان كۇتىلەدى. تۇندە وبلىستىڭ سولتۇستىك-شىعىسىندا 20 گرادۋسقا دەيىن قاتتى اياز بولادى. اقتاۋدا تۇندە جانە تاڭەرتەڭ كوكتايعاق كۇتىلەدى. پاۆلودار وبلىسىندا قار جاۋىپ، كوكتايعاق بولادى. جەلدىڭ ەكپىنى 23-28 م/س. پاۆلوداردا تاڭەرتەڭ جانە كۇندىز بۇرقاسىن، كوكتايعاق كۇتىلەدى. كۇندىز جەل 15-20 م/س كۇشەيەدى. اقتوبە وبلىسىندا جەل كۇتىلۋدە: سولتۇستىكتە، وبلىس ورتالىعىندا ەكپىنى 15 م/س.”ادىرنا” ۇلتتىق پورتالى
ۇقساس جاڭالىقتار
