پرەزيدەنت سەردار بەردىمۇحامەدوۆتىڭ «جاستار – وتان تىرەگى» اتتى كىتابى جارىق كوردى، دەپ حابارلايدى "ادىرنا" پورتالى. بۇل تۋرالى Ussatnews ەلەكتروندى گازەتى مالىمدەدى.
بايانداماشىلار مەملەكەت باسشىسىنىڭ كىتابىندا تۇركىمەن جاستارىنىڭ تابىستارى مەن جەتىستىكتەرى تولىق ايتىلعانىن اتاپ ءوتتى. ولاردىڭ ايتۋىنشا، تۇركىمەن حالقىنىڭ ۇلتتىق كوشباسشىسى گۋربانگۋلى بەردىمۇحامەدوۆ پەن مەملەكەت باسشىسىنىڭ قولداۋىمەن شابىتتانعان ەلدىڭ جاس ۇرپاعى 2023 جىلى وراسان زور ەڭبەك تابىستارىنا قول جەتكىزدى.
جيىنعا قاتىسۋشىلار «جاستار – وتان تىرەگى» كىتابى ەل حالقىنا، اسىرەسە، مۇناي-گاز سالاسىنىڭ قىزمەتكەرلەرىنە بيىك ماقساتتارعا جەتۋ جولىنداعى قۇندى سىيلىق ءارى رۋحاني قولداۋ ەكەنىنە سەنىم ءبىلدىردى.
تۇساۋكەسەر ءراسىمىنىڭ سوڭىندا تۇركىمەنستان پرەزيدەنتىنە مۇناي-گاز سالاسىنىڭ قىزمەتكەرلەرى مەن گەولوگتار پىكىرلەرىن ايتتى.
ەسكە سالايىق، مەملەكەت باسشىسىنىڭ كىتابىنىڭ تۇساۋكەسەرى 27 جەلتوقساندا وتكەن «ارقاداعى سەردارمەن باقىتتى جاستار» اتتى جىل قورىتىندىسىنا ارنالعان حالىقارالىق عىلىمي-تاجىريبەلىك كونفەرەنتسيا مەن كورمەگە ورايلاستىرىلعان بولاتىن.
