عىلىم جانە جوعارى ءبىلىم ءمينيسترى ساياسات نۇربەك قازاقستاندا العاش رەت قاتەرلى ىسىككە قارسى ءدارىنىڭ جاسالۋى تۋرالى ايتتى. سونىمەن قاتار، ول ونى ۇكىمەتتىك بريفينگتە جۋرناليستەرگە كورسەتتى، - دەپ حابارلايدى "ادىرنا" پورتالى.
"ايگىلى بيوتەحنولوگىمىز دوس سارباسوۆ قازاقستانعا ورالدى، ول تەحاس ۋنيۆەرسيتەتىنىڭ اندەرسون زەرتحاناسىندا جۇمىس ىستەدى. ول بىرنەشە جىلدان بەرى نازارباەۆ ۋنيۆەرسيتەتىنىڭ ۇلتتىق زەرتحاناسىن باسقارادى. قازىرگى ۋاقىتتا بيوتەحنولوگ ونكولوگياعا قارسى جاڭا پرەپاراتتاردى جاساپ جاتىر", - دەدى ساياسات نۇربەك.
شەنەۋنىكتىڭ ايتۋىنشا، بۇگىندە قازاق ونكولوگيا جانە راديولوگيا عىلىمي-زەرتتەۋ ينستيتۋتىندا 15 ادام قازاقستاندىق پرەپاراتپەن ەمدەلىپ جاتىر.
«ءبىز بىردەن 4-5 جىل ۇنەمدەپ، ءۇشىنشى كەزەڭگە كوشتىك، جاقىن ارادا ىسىككە قارسى ءدارىمىز شىعادى»، - دەپ قوستى مينيستر.
