قىزىلوردالىق ءجاسوسپىرىم جاساندى ينتەللەكتىنى قازاقشا سويلەتىپ، باعدارلاما ويلاپ تاپتى، دەپ حابارلايدى "ادىرنا" ءتىلشىسى 24K.Z-كە سىلتەمە جاساپ.
قىزىلوردالىق وقۋشىنىڭ ويلاپ تاپقان "QAZAQGPT" جوباسى شەتەلدىك ساراپشىلاردىڭ دا قىزىعۋشىلىعىن تۋدىرعان.
اسىلجان ابدۋللاەۆ جاساعان جوبادا كەز كەلگەن سۇراققا قازاق تىلىندە جاۋاپ الۋعا بولادى. بۇل Qazaq GPT-ءدىڭ وزگەلەردەن ەڭ باستى ارتىقشىلىعى ەكەن.
16 جاستاعى ءجاسوسپىرىم بۇل باعدارلامانى تەلەفون قوسىمشالارىنان پايدالانۋعا بولاتىنداي ەتىپ جاساعان.
رەندەل بريۋنس دەگەن قازاقستانداعى اقش-تىڭ ستراتەگيالىق ەدۆايزەرى بار. سول كىسىنىڭ الدىندا قورعاعان بولاتىنمىن "قازاق GPT"-ءدى. وتە كەرەمەت پىكىر بەردى. ودان بولەك مەنىڭ ەڭ بيىك جەتىستىكتەرىمنىڭ ءبىرى جوبالاردىڭ جاڭاشىلدىعى، قايتالانباس جەتىستىك، - دەدى وقۋشىنىڭ ءوزى.
تەرەڭوزەك كەنتىندەگى مەكتەپ وقۋشىسىنىڭ جوباسى ءبىرشاما بايقاۋلاردا توپ جارعان. اسىلجان ابۋدللاەۆ مەكتەپ قابىرعاسىندا وقىپ-اق استانا IT ۋنيۆەرسيتەتىنىڭ گرانتىن جەڭىپ العان.
سۋرەت كەرەك بولسا سۋرەت سالىپ، دىبىستاپ جاۋاپ بەرەتىن، ءماتىندى دە قاتەسىز جازىپ، ەسەپ شىعارا الاتىن باعدارلامانىڭ بۇگىندە 2 مىڭنان اسا قولدانۋشىسى بار.
