بۇركىتشى قىزدىڭ وتباسى قازاقستانعا كوشىپ كەلدى

“بۇركىتشى قىز” اتانعان قانداسىمىز ايشولپاننىڭ وتباسى قازاقستانعا كوشىپ كەلدى، دەپ حابارلايدى “ادىرنا” ۇلتتىق پورتالى قازاقپاراتقا سىلتەپ.  «مەن قازاقستاندامىن، ءبىر اپتاداي بۇرىن اتا-انام مەن باۋىرلارىم كوشىپ كەلدى. ءوزىم الماتىداعى س. دەميرەل اتىنداعى ۋنيۆەرسيتەتتە قازاق ءتىلى مەن ادەبيەتى ماماندىعى بويىنشا 4-كۋرستا وقيمىن. قازىر ماماندىعىم بويىنشا جۇمىس قاراستىرىپ جاتىرمىن»، - دەدى ايشولپان Kazinform تىلشىسىنە بەرگەن سۇحباتىندا. سونداي-اق وتانداسىمىز بۇركىت باپتاۋ ونەرىن تاستاماعانىن ايتتى. «وقۋ مەن بۇركىتپەن اينالىسۋدى قاتار الىپ ءجۇرمىن. اپتاسىنا ءبىر رەت اينالىسامىن. جارىستارعا قاتىسىپ جۇرگەن جوقپىن، تەك قوناق رەتىندە بارامىن. سەبەبى وقۋدان قول تيمەيدى»، - دەيدى بۇركىتشى قىز. ەسكە سالساق، 2018 جىلى قاراشادا بۇركىتشى ايشولپان تۋرالى فيلم شىققان بولاتىن. ال 2019 جىلى موڭعوليا كومپوزيتورى جەرلەسىمىزدىڭ قۇرمەتىنە ءوز تۋىندىسىن ارنادى. سونداي-اق 2022 جىلى بۇركىتشى ايشولپان تۋرالى اعىلشىن تىلىندە كىتاپ شىقتى.