بۇگىن تۇندە، ساعات 00:07-دە بۇقار جىراۋ اۋدانى، بوتاقارا اۋىلىندا ەكى قاباتتى، 12 پاتەرلى تۇرعىن ۇيدە جارىلىس بولعان، دەپ حابارلايدى “ادىرنا” ۇلتتىق پورتالى 24kz ارناسىنا سىلتەمە جاساپ.
بەلگىلى بولعانداي، 2014 جىلى سالىنعان پاتەردە ورتالىق جىلۋ جۇيەسى بولماعان. پاتەرگە جوندەۋ جۇمىستارىن جاساۋ كەزىندە جوندەۋشىلەر گاز باللونىن جانىپ تۇرعان پەشتىڭ جانىنا قويىپ، سالدارىنان جارىلىس پايدا بولعان. بۇل تۋرالى قاراعاندى وبلىسى تجد باستىعىنىڭ ورىنباسارى امانبەك بەيسەمباەۆ ايتتى.
ءبىرىنشى جانە ەكىنشى قاباتتاعى پاتەرلەر جارتىلاي زاقىمدانعان. وقيعا كەزىندە تۇرعىن ۇيدە تۇراتىن 46 ادامنىڭ 35-ءى ۇيدە بولعان.
قۇتقارۋ جۇمىستارى كەزىندە ەر ادام مەن ايەل ادامنىڭ ءولى دەنەسى، سونداي-اق 5 ادام جارالى كۇيىندە تابىلدى.
3 بالا ءتۇرلى دەنە جاراقاتتارىمەن بۇقار جىراۋ اۋداندىق اۋرۋحاناسىنا جەتكىزىلدى.
وقيعا ورنىنا جەدەل شتاب قۇرىلىپ، جۇمىسقا 139 ادام مەن 32 تەحنيكا جۇمىلدىرىلدى.
“ادىرنا” ۇلتتىق پورتالى
