20 عاسىردىڭ باس كەزى قىتايدى بيلەگەن جاپون وكىمەتى، باسقىنشىلىققا قارسى شىققان قىتاي جاستارىن قىتاي حالقىنىڭ الدىنا، الاڭعا الىپ شىعىپ اسقان ەكەن.
باسقىنشى جاپون ساربازدارىنىڭ الدىندا سۇرىنە - قابىنا قۇلاپ شىعىپ كەلە جاتقان ءوز جاستارىن كورگەن قىتايلىقتار ءماز - ءمايرام بوپ كۇلىپ، ولاردى كەلەمەجدەپ، مازاقتاپ تۇرسا كەرەك.
بۇنى كورىپ تۇرعان قىتايدىڭ بولاشاق ۇلى جازۋشىسى، جاس ستۋدەنت مەديتسينا شاكىرتى - لۋ شۋن، "مەنىڭ حالقىم ار - نامىس، ۇلتتىق تۇيسىك، مەملەكەتشىلدىك دەگەن قاسيەتتەردەن ابدەن اجىراپ، تازا قۇل توبىرعا اينالعان ەكەن. حالقىم اۋرۋ ەكەن، قوي، مەن ءوز مەديتسيناممەن جۇزدەردىڭ ءتانىن ەمدەمەي، قالامىممەن ميلليونداردىڭ ساناسىن ەمدەيىن، ۇلتتىق نامىسىن تىرىلتەيىن، مەملەكەتشىلدىگىن وياتايىن، ويتپەسەم بولماس" دەپ ءتۇڭىلىپ، سول كۇنى مەديتسيناسىن تاستاپ، قىلقالام ۇستاعان ەكەن.
وسى لۋ شۋن - كەيىن قىتاي قوعامىن ءدۇر سىلكىندىرگەن ۇلى جازۋشىعا، فيلوسوفقا، يدەولوگقا اينالدى. پالەن عاسىر وزگەگە قۇل بولعان قىتايدىڭ مەملەكەتشىلدىگىن، ۇلتتىق نامىسىن وياتۋعا ۇلكەن ۇلەس قوسقان بۇنىڭ قىتايعا دەگەن ەڭبەگى شەكسىز. ناتيجەسىندە، قارا قىتايىڭىز قازىر باقايشاعىنا شەيىن ۇلتشىل.
بۇگىندە قىتايدىڭ كوممۋنيستەرى مەن ۇلتشىلدارىنىڭ باس پايعامبارى دا وسى لۋ شۋن.
مەن كەيدە ءبىزدىڭ ورىسشىل توبىردى كورگەندە ء"بىز دە بۇرىنعى اۋرۋ قىتايدىڭ كەزەڭىندە ءجۇرمىز - اۋ" دەپ ويلاپ قالامىن. الدا جالدا ءبىزدى باسقىنشى باسىپ الىپ، تەلەۆيزوردان "فاشيستتەر، شوقايشىلدار" دەپ جالا جاۋىپ، ءبىزدىڭ ۇلتجاندى ازاماتتاردى الاڭعا الىپ شىعىپ اسىپ جاتسا، ءبىزدىڭ ماڭگۇرتتەنگەن، ۇلتتىق ساناسى ويانباعان توبىر دا ولارعا "ارانداتۋشىلار، فاشيستەر، باتىستىڭ يتارشىلارى" دەپ زىعىرلانىپ، كەلەمەجدەپ قاراپ تۇراتىن ءتارىزدى...
ولجاس ءابىل
"ادىرنا" ۇلتتىق پورتالى
