وبلىستىق پد ءباسپاسوز قىزمەتىنىڭ حابارلاۋىنشا، اقمولا وبلىسىندا 26 جىل بويى ىزدەۋدە جۇرگەن قىلمىستىڭ توپتىڭ سوڭعى مۇشەسى قولعا ءتۇستى، دەپ حابارلايدى “ادىرنا” ۇلتتىق پورتالى.
بەلگىلى بولعانداي، 90-جىلدارى اۋىر قىلمىس جاساعان 6 ادامنان تۇراتىن قىلمىستىق توپ مۇشەلەرى – 4 ادامدى ءولتىرۋ، جۇرگىزۋشىلەردى توناۋ، ەكونوميكالىق كونتراباندا جانە بيلىك وكىلىنىڭ نەمەسە لاۋازىمدى تۇلعانىڭ اتاعىن ءوز بەتىنشە تاعايىنداۋ ءتارىزدى فاكتىلەر بويىنشا ايىپتى بولعان.
اتالعان قىلمىستىق ىستەر بويىنشا ايىپتالۋشىلارعا 26 جىل بۇرىن ىزدەۋ سالىنعان.
1998 جىلدارى اۆتوماتتى اتىس قارۋىمەن قارۋلانىپ، ميليتسيا قىزمەتكەرلەرىنىڭ قىزمەتتىك كيىمىن كيگەن قىلمىسكەرلەر قالا سىرتىنداعى اۆتوجولداردا جەزلدىڭ (ارنايى تاياق) كومەگىمەن اۆتوكولىكتەردى توقتاتىپ، جۇرگىزۋشىلەرى مەن جولاۋشىلارىن اتىپ، دەنەلەرىن ورمانعا كومگەن، جۇرگىزۋشىلەردىڭ اۆتوكولىكتەرىن زاڭسىز ساتقان.
«1999 جىلى باندانىڭ 4 مۇشەسىن پوليتسيا قىزمەتكەرلەرى ۇستادى، بىرەۋى كوز جۇمدى. كەيىننەن سوت ۇكىمىمەن ۇستالعان تورتەۋدىڭ ەكەۋى ءولىم جازاسىنا، ەكەۋى ۇزاق ۋاقىتقا باس بوستاندىعىنان ايىرۋ جازاسىنا كەسىلدى. ال 26 جىل بويى پوليتسيادان بوي تاسالاپ جۇرگەن قىلمىستىق توپتىڭ سوڭعى مۇشەسى 27 قاڭتاردا كوكشەتاۋدا قولعا ءتۇستى. ول ءوزىنىڭ تەگىن، اتىن، اكەسىنىڭ اتىن جانە تۋعان جىلىن زاڭسىز وزگەرتىپ العان. ءتىپتى، بەت-بەينەسىن دە وزگەرتكەن. قازىرگى ۋاقىتتا قاجەتتى تەرگەۋ راسىمدەرى جۇرگىزىلىپ جاتىر»، - دەپ حابارلادى ۆەدومستۆودان.
“ادىرنا” ۇلتتىق پورتالى
