Oblystyq PD baspasóz qyzmetiniń habarlaýynsha, Aqmola oblysynda 26 jyl boıy izdeýde júrgen qylmystyń toptyń sońǵy múshesi qolǵa tústi, dep habarlaıdy “Adyrna” ulttyq portaly.
Belgili bolǵandaı, 90-jyldary aýyr qylmys jasaǵan 6 adamnan turatyn qylmystyq top músheleri – 4 adamdy óltirý, júrgizýshilerdi tonaý, ekonomıkalyq kontrabanda jáne bılik ókiliniń nemese laýazymdy tulǵanyń ataǵyn óz betinshe taǵaıyndaý tárizdi faktiler boıynsha aıypty bolǵan.
Atalǵan qylmystyq ister boıynsha aıyptalýshylarǵa 26 jyl buryn izdeý salynǵan.
1998 jyldary avtomatty atys qarýymen qarýlanyp, mılıııa qyzmetkerleriniń qyzmettik kıimin kıgen qylmyskerler qala syrtyndaǵy avtojoldarda jezldiń (arnaıy taıaq) kómegimen avtokólikterdi toqtatyp, júrgizýshileri men jolaýshylaryn atyp, denelerin ormanǵa kómgen, júrgizýshilerdiń avtokólikterin zańsyz satqan.
«1999 jyly bandanyń 4 múshesin polıııa qyzmetkerleri ustady, bireýi kóz jumdy. Keıinnen sot úkimimen ustalǵan tórteýdiń ekeýi ólim jazasyna, ekeýi uzaq ýaqytqa bas bostandyǵynan aıyrý jazasyna kesildi. Al 26 jyl boıy polıııadan boı tasalap júrgen qylmystyq toptyń sońǵy múshesi 27 qańtarda Kókshetaýda qolǵa tústi. Ol óziniń tegin, atyn, ákesiniń atyn jáne týǵan jylyn zańsyz ózgertip alǵan. Tipti, bet-beınesin de ózgertken. Qazirgi ýaqytta qajetti tergeý rásimderi júrgizilip jatyr», - dep habarlady vedomstvodan.
“Adyrna” ulttyq portaly
