Aqmola oblysynda ornalasqan «Palau ortalyǧy» dämhanasynda bolǧan jarylysqa bailanysty käsıp iesı qamauǧa alyndy, dep habarlaidy "Adyrna" ūlttyq portaly.
Resmi mälımetke säikes, 2026 jylǧy 2 nauryzda dämhana iesı uaqytşa ūstau izoliatoryna qamalǧan. Oǧan qatysty Qazaqstan Respublikasy Qylmystyq kodeksınıŋ 292-babynyŋ 3-bölıgı boiynşa («Ört qauıpsızdıgı talaptaryn būzu, abaisyzda ekı nemese odan da köp adamnyŋ ölımıne äkep soǧu») qylmystyq ıs qozǧaldy.
Tergeu derekterıne sai, atalǧan oqiǧada gaz ballony jarylyp, saldarynan segız adam qaza tapqan. Qaiǧyly jaǧdaidyŋ auqymy men adam şyǧynyn eskere otyryp, ıs arnaiy prokurorlardyŋ öndırısıne berılgen. Tergeu barysy Qazaqstan Respublikasynyŋ Bas prokuraturasy tarapynan erekşe baqylauǧa alynǧan.
Qadaǧalau organynyŋ habarlauynşa, qazırgı uaqytta qajettı tergeu amaldary jürgızılıp jatyr. Qylmystyq ıs boiynşa özge aqparattar Qazaqstan Respublikasy QPK-nıŋ 201-babyna säikes jariia etılmeidı.
